არომათერაპიის სარჩევი

ხოლო თუ მათ შესახებ არაფერი გსმენიათ, გაეცანით ჩამონათვალს და აირჩიეთ თქვენთვის სასურველი.

ამბერი - ტკბილი, თბილი არომატი აქვს. ათბობს გულს, აკეთილშობილებს მას და აუმჯობესებს დამოკიდებულებას ადამიანებს შორის.

ფორთოხალი - მოტკბო, მაგრამ ცივი სურნელი აქვს. მოგიხსნით დეპრესიას, შფოთისა და შიშის შეგრძნებას. მკურნალობს, ფრიგიდულობასა და უძილობას.

ბერგამოტი - ცივი, ნაზი, მომჟაო-მოტკბო სურნელის მქონეა. აქვს მატონიზირებელი და დამამშვიდებელი ეფექტი. გაგიუმჯობესებთ მეხსიერებას, ყურადღებას, მოგიხსნით დაღლილობას.

ვანილი - ტკბილი, სასიამოვნო არომატი აქვს. ადამიანს ბედნიერების შეგრძნებას ანიჭებს. გულს აკეთილშობილებს, ადამიანს გულითადი საუბრისთვის განაწყობს.

გარდენია - მსუბუქი, ცივი ოდნავ მოტკბო სურნელი. ამშვიდებს ნერვებს, აქვს ანტისტრესული მოქმედება.

გერანი - გამაგრილებელი არომატი, აქვს ანთებსაწინააღმდეგო ეფექტით. მოგიხსნით თავის ტკივილს.

ჰიაცინტი - მსუბუქი და ცივი. აძლიერებს ორგანიზმის დამცავ ძალას. ადამიანს თვითანალიზში ეხმარება.

ჟასმინი - ნაზი, მოტკბო-ცივი არომატი. მას ”სიყვარულის მთვარის შუქსაც” უწოდებენ. მიჩნეულია ქალურ არომატად. აქვს ანტისტრესული მოქმედება. აძლიერებს მგრძნობელობას.

ილანგ-ილანგი - მსუბუქი, გამამხნეველი არომატი. მოგიხსნით ნერვულ დაძაბულობას, თავის ტკივილს. კარგი აფროდიზიაკია. მამაკაცურ არომატად მიიჩნევა.

კედარი - თბილი, რბილი არომატი. კურნავს ზედა სასუნთქ ორგანოებს. ორგანიზმს ენერგიით ავსებს, აღაგზნებს და ათბობს.

ქოქოსი - თბილი, ტკბილი არომატი, აუმჯობესებს მადას, ნივთიერებათა ცვლას. მოგიხსნით აპათიას, მოთენთილობას.

ლავანდა - ცივი, გამაგრილებელი არომატი. აქვს ანტიმიკრობული და ანტისეპტიკური თვისება. გამოიყენება გრიპის, პნევმონიის, ბრონქიტის დროს. აუმჯობესებს იმუნიტეტს, სისხლის მიმოქცევას.

დარიჩინი - თბილი ტკბილი არომატი. აუმჯობესებს სისხლის მიმოქცევას, გაგათბობთ და გაგამხიარულებთ, მოგიხსნით დეპრესია.

ლიმონი - მომჟაო, ცივი, მსუბუქი არომატი. არის ანტიინფექციური, მოგიხსნით თავის ტკივილს, გულისრევის შეგრძნებას. აქვს მატონიზირებელი ეფექტი.

ლოტოსი - მსუბუქი, დახვეწილი, მოტკბო სურნელი. მოგიხსნით დაღლილობას. ხელს უწყობს ადამიანის სულიერ განვითარებას.

მაგნოლია - ცივი, მოტკბო, დახვეწილი არომატი. დაგამშვიდებთ, დასვენებისკენ განგაწყობთ. მოგაშორებთ შიშსა და შფოთს.

ნუში - მომწარო, რბილი არომატი. ათბობს ორგანიზმს. ბედნიერებას ანიჭებს გულსა და გონებას.