წლის რომელ პერიოდში გაქვთ შანსი თავბრუდამხვევი რომანის დასაწყებად

რომ ორი "კეთილი" პლანეტა ვენერა და იუპიტერი ხშირად განსაზღვრავენ იმას, თუ როდის დგება ამა თუ იმ ინდივიდის ცხოვრებაში სიყვარულის, თავბრუდამხვევი რომანის წამოწყების და უბრალოდ, ემოციური სიმშვიდის ხანა. უფრო გასაგებად რომ აგიხსნათ, ვენერა სიყვარულსა და კომფორტზეა პასუხისმგებელი, ხოლო იუპიტერი - ბედნიერების განცდას უზრუნველყოფს და იმას, რასაც ვენერა გვაძლევს "აბევრებს" - იმიტომ რომ იუპიტერის ფუნქცია გაფართოებაა. შესაბამისად, ნებისმიერი ჩვენგანის ცხოვრებაში წელიწადში ერთხელ მაინც დგება ხანა, როცა შესაძლებლობა გვაქვს დავიწყოთ თუ დიდი და ხანგრძლივი არა, მოკლევადიანი, მაგრამ სასიამოვნო რომანი. თუმცა, პერიოდი როდის უნდა მოხდეს ეს ზოდიაქოს ნიშნის მიხედვით აბსოლუტურად განსხვავებულია. დღეს ზუსტად ამ პერიოდებზე ვისაუბრებთ.

ასე მაგალითად, თუკი თქვენი ზოდიაქოს ნიშანია ვერძი, ლომი ან მშვილდოსანი სიყვარული შეიძლება გაზაფხულზე, შუაგულ ზაფხულში ან ზამთრის დასაწყისში გეწვიოთ, იმიტომ რომ ამ პერიოდში გაივლის პლანეტა ვენერა თქვენივე სტიქიის ანუ "ცეცხლოვან" ნიშნებს. შესაბამისად, მხურვალე რომანის წამოსაწყებად კარგი საფუძველი გეძლევათ.

თუკი თქვენი ზოდიაქოს ნიშანი მიწის სტიქიას ემთხვევა ანუ კურო, ქალწული ან თხის რქა ხართ, მაშინ რომანის წამოწყებას ასტროლოგები შუაგულ გაზაფხულზე, ზაფხულის ბოლოს ან ზამთრის მეორე ნახევარში გირჩევენ. ამ დროს დაწყებული რომანები თქვენთვის სავსებით შესაძლოა ქორწინებითაც დაგვირგვინდეს.

იმ შემთხვევაში თუ თქვენი ზოდიაქოს ნიშანი ტყუპი, სასწორი ან მერწყულია სასურველია, რომანი გაზაფხულის მიწურულს, ზაფხულის დასაწყისში ან ზამთრის ბოლოს წამოიწყოთ. ზუსტად ამ პერიოდში შეხვდებით ადამიანს, ვისაც თქვენი ისე ესმის, როგორც ჭეშმარიტ მეორე ნახევარს უნდა ესმოდეს.

დაბოლოს, თუკი თქვენ კირჩხიბის, მორიელის ან თევზების ზოდიაქოს ნიშნით დაიბადეთ, ნამდვილ სიყვარულს ადრიან გაზაფხულზე, ზამთრის ბოლო თვეებში ან ზაფხულის პირველ ნახევარში დაელოდეთ. ზუსტად ასეთ დროს მოხდება თქვენი შეხვედრა ადამიანთან, ვისაც შეუძლია თქვენთვის როგორც ემოციური, ისე სულიერი კომფორტის მოტანა.