„ცოცხალი ნოსტრადამუსის“ შოკისმომგვრელი პროგნოზი 2026 წლისთვის: მზის შტორმები და კრიზისი სამეფო ოჯახში, რა გველოდება მარტში

თანამედროვე მისტიკოსი, ბრაზილიელი ათოს სალომე სოციალური ქსელების ნამდვილ სენსაციად იქცა. მედიამ მას „ცოცხალი ნოსტრადამუსი“ შეარქვა, რადგან მისი წინასწარმეტყველებები შემაძრწუნებელი სიზუსტით სრულდება. ვინ არის ადამიანი, რომელმაც კოვიდ-პანდემია, დედოფალ ელისაბედ II-ის გარდაცვალება და უკრაინის ომი იწინასწარმეტყველა და რას წინასწარმეტყველებს ის 2026 წლისთვის?

გზა აღიარებამდე

ათოს სალომე 1986 წელს ბრაზილიაში დაიბადა. როგორც თავად ამბობს, მომავლის ხილვები ბავშვობიდან ჰქონდა, რაც მის კათოლიკე მშობლებს ძალიან აშფოთებდა. მიუხედავად წინააღმდეგობისა, მან შეისწავლა ნუმეროლოგია, პარაფსიქოლოგია და ენერგეტიკული მკურნალობა. მისი პოპულარობა TikTok-ითა და Instagram-ით დაიწყო, სადაც გამოქვეყნებული სიმბოლური წინასწარმეტყველებები მალევე რეალობად იქცა.

რა ახდა უკვე?

კოვიდ-პანდემია: ჯერ კიდევ ვირუსის გავრცელებამდე, სალომე წერდა ბიოლოგიურ საფრთხეზე, რომელიც კაცობრიობას ჩრდილივით გადაეფარებოდა.

ელისაბედ II-ის გარდაცვალება: 2022 წლის სექტემბრამდე მან იწინასწარმეტყველა „დიდი მატრიარქის წასვლა“ და სამეფო ბედისწერის შეცვლა.

უკრაინის ომი: ერთი წლით ადრე ის პროგნოზირებდა პოლიტიკური დაძაბულობის ესკალაციას „ძველი კონტინენტის აღმოსავლეთით“, რაც სამხედრო კონფლიქტში გადაიზარდა.

2026 წლის პროგნოზები: რისთვის უნდა მოვემზადოთ?

1. მზის შტორმები და გლობალური პანიკა

სალომეს ყველაზე შემაშფოთებელი პროგნოზი 2026 წლის მარტს ეხება. მისი თქმით, კოსმოსური ამინდი არაპროგნოზირებადი გახდება. მძლავრმა მზის შტორმებმა შესაძლოა გამოიწვიოს კავშირგაბმულობის გათიშვა, ელექტროენერგიის მასობრივი წყვეტა და ტექნოლოგიური კოლაფსი, რაც მსოფლიოში საყოველთაო პანიკას დათესავს.

2. გარდამტეხი მომენტი ბრიტანეთის სამეფო ოჯახში

მისტიკოსი თვლის, რომ 2026 წელს პრინც ჰარისა და მეგან მარკლის ცხოვრებაში მნიშვნელოვანი ცვლილებები მოხდება. ის მათ „პროფესიულ გამიჯვნასა“ და „შემოქმედებით დაშორებას“ უწინასწარმეტყველებს. რაც შეეხება ძმების, უილიამისა და ჰარის შერიგებას - სალომე ამას გამორიცხავს. თუმცა, ხედავს, რომ მომავალში მათი შვილები შეძლებენ საერთო ენის გამონახვას და სამეფო ოჯახზე დიდ გავლენას მოახდენენ.

3. რევოლუციური ნახტომი მედიცინაში

2026 წელი გახდება დასაწყისი პერიოდისა, როდესაც მეცნიერება დაბერების პროცესს შეანელებს. სალომე პროგნოზირებს უჯრედების რეგენერაციის ახალ მეთოდებს და გენეტიკურად მოდიფიცირებული ადამიანების ეპოქის დაწყებას, რომლებიც იქნებიან უფრო ძლიერები და დაავადებების მიმართ მდგრადები.

4. ხელოვნური ინტელექტის საფრთხე

სალომე გვაფრთხილებს, რომ ტექნოლოგიური პროგრესი, რომელიც თავიდან კაცობრიობას იმედად მოევლინა, შესაძლოა უბედურებად იქცეს. ხელოვნური ინტელექტი (AI) არა მხოლოდ დეზინფორმაციის იარაღი გახდება, არამედ შესაძლოა „მოკლას“ ადამიანური კრეატივი და საფრთხე შეუქმნას ფსიქიკურ ჯანმრთელობას.