დიდი ემოციური ტრავმა, შეზღუდვები და ურთიერთობების მოულოდნელად დასრულება - რას პროგნოზირებს ავსტრიელი ასტროლოგი 2020-ის დაბნელებებზე

წლევანდელი წელი, ასტროლოგიური თვალსაზრისით, გამორჩეულია, ვინაიდან ტრადიციული 4 დაბნელების ნაცვლად (2 მზის, 2 მთვარის) 6 დაბნელება (4 მთვარის და 2 მზის) გვექნება. ამ მოვლენებთან დაკავშირებით ასტროლოგი ხათუნა ნოელი "ფეისბუქზე" საინტერესო ცნობებს გვიზიარებს:

"დაბნელებებზე მინდა გესაუბროთ... წელს მთელი 6 დაბნელება გვაქვს ჯამში, რაც საკმაოდ იშვიათი მოვლენაა. ბოლოს ასეთი შემთხვევა 2011-ში გვქონდა. ყოფილა წელიწადში 7 დაბნელებაც (1917 წელს), თუმცა ახლა ცოტა სხვა რამეზე მინდა თქვენი ყურადღება შევაჩერო...

დაბნელებებს აქვთ სერიული ხასიათი, ასე რომ ყოველი დაბნელება, იქნება ის მზისა თუ მთვარის, კონკრეტული ''ოჯახის'' წევრია. ასეთ სერიებს ''საროსი'' ჰქვიათ. ეს არის მკაცრად ორგანიზებული ციკლი, რომელიც დაახლოებით 1280 წლის მანძილზე ვითარდება და 70-მდე დაბნელებას მოიცავს, რომლებიც ყოველ 18 წელიწადში ერთხელ მეორდებიან, წინა დაბნელებიდან, დაახლოებით, 10 გრადუსის გამოტოვებით. თითეულ საროსს აქვს თავისი მახასიათებლები, რომელიბიც აქ შემავალი ყველა დაბნელებისთვის საერთოა და მათი გათვალისწინება ძალიან მნიშვნელოვან ინფორმაციას იძლევა.

წლევანდელი დაბნელებები მიეკუთვნება სერიებს ნუმერაციით 4N და 4S. კიდევ ერთი დაბნელება, რომელიც წელს, 10 იანვარს უკვე გვქონდა, 3S სერიიდან იყო. ცნობილი ავსტრიელი ასტროლოგის ბერნადეტ ბრედის აღწერით, 3S სერია იძლევა ''ტრანსფორმაციული აუცილებლობებით გამოწვეულ ემოციურ ტრავმას. რაც შესაძლოა კავშირში იყოს მიღებულ ინფორმაციასთან და მოგზაურობასთან''... რამე ხომ არ გეცნოთ წლევანდელ მოვლენებთან მიმართებაში?

ასევე ნახეთ: 2020 წლის ივლისისთვის ვირუსი სრულად მართვადი გახდება - ცნობილი რუსი ასტროლოგები კორონავირუსის მიზეზებზე და გაფრთხილება ზოდიაქოს ნიშნებს

მოდით, ვნახოთ, როგორ აღწერს ამ წელიწადში დარჩენილი დაბნელებების სერიებს ბერნადეტ ბრედი:

" მთვარის დაბნელებები:

• 5 ივნისი მშვილდოსნის 16°
• 5 ივლისი თხისრქის 14°
• 30 ნოემბერი ტყუპების 09°

საროსის სერია 4N - ამ დაბნელების ოჯახის ნიშნებია შეზღუდვები, შეკავება, განშორება/განცალკევება და ილუზიები. შესაძლოა ადგილი ჰქონდეს ისეთ მოვლენებს, რომლებიც ბლოკავენ ადამიანს. ასეთ მდგომარეობაში აღმოჩენილი ადამიანი არასწორად აფასებს საკუთარ ძალებს და სიტუაციებს.

რჩევა: დაელოდოს ვიდრე დაბნელების ზეგავლენა გადაივლის და არ მიიღოს რეალური გადაწყვეტილება. ეს საროსის რთული სერიაა.

უახლოესები: 1912, 1930, 1948, 1966,1984, 2002, 2020, 2038

მზის დაბნელებები:

• 21 ივნისი კირჩხიბის 00°
• 14 დეკემბერი მშვილდოსნის 23°

საროსის სერია 4S - ეს სერია თან მოიტანს ურთიერთობებთან ან ფულთან დაკავშირებულ ძლიერ ემოციურ გრძნობებს შესაძლებელია გამოიწვიოს მრისხანება, ვნება. წინასწარ განსაზღვრული აზრი არსებობს, ადამიანმა შეიძლება აღმოაჩინოს, რომ ის ჩართულია მოვლენებში, რომლებიც მის კონტროლს სცილდება. შესაძლოა გაცნდეს ურთიერთობის დასრულების მოულოდნელი სურვილი. ეს ემოციები შეიძლება როგორღაც დაბლოკილი ან თავშეკავებული იყოს, რასაც დიდ იმედგაცრუებამდე მივყავართ. საუკეთესო მიდგომა იქნება თუ ამ დაბნელებების დროს ნაჩქარევ მოქმედებების თავს ავარიდებთ.

უახლოესები: 1912, 1930, 1948, 1966, 1984, 2002, 2020, 2038

უნდა აღინიშნოს, რომ ყველაზე ძლიერი წლევანდელი დაბნელებებიდან 14 დეკემბრის მზის დაბნელება იქნება, რადგან ის სრულ დაბნელებათა რიცხვს მიეკუთვნება".