ეგვიპტური ჰოროსკოპი - გორი

ადამიანების დაყოფის ჩვევა მათი ფსიქოტიპებისა და ბედისწერის ხაზის მიხედვით. თუმცა, ისინი ამ შემთხვევაში, პიროვნების შესახებ მისი შესატყვისი და მფარველი ღვთაების მიხედვით მსჯელობდნენ:

გორი 1-7 მაისი, 20-30 აპრილი, 12-19 აგვისტო

ეგვიპტელები მას ფარაონთა მფარველის, სიყვარულის, ცის ღმერთად მიიჩნევდნენ. გორი შევარდნისთავიანი ფიგურის სახით შეგხვდებით ეგვიპტურ მანუსკრიპტებზე. ეგვიპტელებს მიაჩნდათ რომ მას გამჭოლ ხედვის (რენტგენული ხედვა) უნარი გააჩნდა.

გორის მფარველობით დაბადებული ადამიანები, უზომოდ მდიდარი ფანტაზიის უნარით არიან დაჯილდოებულნი. ამიტომ მათთვის საუკეთესოა შემოქმედებითი სარბიელი. ამ ხალხისგან კარგი ბიოლოგები, ზოოლოგები ან კინოლოგებიც გამოდიან. მათი უნიკალურობაც სწორედ ამ კუთხით ვლინდება, რომ სხვებზე უკეთ ესმით ცხოველების ენა და ზოგადად ფლორა და ფაუნა მათთვის მშობლიური წიაღია. შესაბამისად ოთხფეხა მეგობრები ამ ხალხს სიხარულით ემორჩილებიან.

ამ ადამიანებს გამორჩეული სიცოცხლისუნარიანობა, სიხალისე და ოპტიმიზმი ახასიათებთ. ჯანსაღი პრაგმატიზმი გააჩნიათ ხასიათში, ამიტომ მიზანს ყოველთვის რეალურს ისახავენ და ღრუბლებში ფრენაც ნაკლებად ახასიათებთ. უზომოდ მშრომელი, მოწესრიგებული ხალხია. აქვთ უნარი თავი ნებისმიერი სირთულის დავალებას გაართვან. მოსწონთ რისკი და ექსტრემალური გართობა. ასევე გააჩნიათ მაღალი თვითშეფასება და თავდაჯერებულობა. თუმცა მიდრეკილნი არიან დესპოტიზმისკენ, გამომდინარე იქედან, რომ ქვეცნობიერად ყველას და ყველაფრის კონტროლის მოთხოვნილება აქვთ გარშემო. ეს კი ხშირად ხდება მათთვის უახლოეს გარემოცვასთან კამათის მიზეზი.