იწყება ახალი ერა მსოფლიო ფინანსურ სამყაროში, სამყარო იხილავს უახლეს აღმოჩენებს მედიცინის და დიზაინის კუთხით

ყველაფერი ახლის, ინოვაციის, ძველის ნგრევის სიმბოლოა, გადადის კუროს ზოდიაქოს ნიშანში და ამ პერიოდიდან იწყება ახალი, შვიდწლიანი ციკლი და აბსოლუტურად ახალი ერა იმ სფეროებში, რომელსაც სიმბოლურად მართავს კურო. ეს არის პირველ რიგში ფული და მატერიალური რესურსები, კოსმეტოლოგია, დიზაინი, ეკოლოგია და ა.შ. ზუსტად ამ სფეროში მოიტანს ურანი ახლებური მიდგომებისა და აღმოჩენების აუცილებლობა/ალბათობას. თავად ურანის არსი და ხასიათი ისეთია, რომ იგი ყველაფერ დრომოჭმულს ანადგურებს. ამ პლანეტას შეუძლია გამოგიყვანოთ კომფორტის ზონიდან, იმიტომ რომ ყველაფერი ის, რაც რუტინულია, თუნდაც სტაბილური იყოს, არ ემსახურება ჩვენი სულის ევოლუციური განვითარების პროცესს. მარტივად რომ ვთქვათ, კომფორტის ზონიდან თუ არ გამოვედით, ვერ განვვითარდებით. ამიტომაც მოდის ურანი და გვაიძულებს, რომ საკუთარ თავში აღმოვაჩინოთ ახალი შესაძლებლობები, ჩავატაროთ ექსპერიმენტები, ერთი სიტყვით, სიახლის ქარი შემოვუშვათ ჩვენს ყოველდღიურობაში, გავრისკოთ.

თუმცა, იმ შემთხვევაში, თუკი ჩვენ მზად არ ვართ სიახლეებისთვის და თავგამოდებით ვებღაუჭებით არსებულ კომფორტის ზონას, ურანი უბრალოდ დაანგრევს ჩვენ სტაბილურო გარემოს, რაც მტკივნეული და მოულოდნელი მოვლენების სახით გამოვლინდება ამა თუ იმ ადამიანის ცხოვრებაში. ურანის ინგრესია კუროს ზოდიაქოს ნიშანში აისახება მსოფლიო ფინანსურ მდგომარეობაზე, ძალიან აქტიური გახდება ე.წ. "ელექტრონული ფული", უნდა ველოდოთ გრანდიოზულ აღმოჩენებს ბიოლოგიისა და ექსპერიმენტული მედიცინის კუთხით. შესანიშნავი პერიოდი იწყება დიზიანერებისთვის, ხელოვანი ადამიანებისთვის, ვინც ცდილობს ახლებური და ორიგინალური მეთოდებით თქვას საკუთარი სათქმელი ხელოვნებაში. განვითარდება და აყვავდება არქიტექტურა-დიზაინის, ვებ-დიზაინის სფეროები. შესაძლებელია, მედიცინაში ახალი პრეპარატები გამოიგონონ, რომელიც ძირითადად ოცდამეერთე საუკუნის უდიდეს პრობლემას ნერვოზებს და დეპრესიას განკურნავს. ურანის გადასვლა კუროს ნიშანში ყველაზე მეტად კუროს ნიშნით დაბადებულ ადამიანებზე აისახება.

ზოდიაქოს ამ ნიშნით დაბადებულ ხალხს საშინლად არ უყვარს "სიურპრიზები" - ურანი კი მათ აუცილებლად აიძულებს შეცვალონ საკუთარი ცხოვრება, გარისკონ, იაქტიურონ, ახალი შესაძლებლობები აღმოაჩინონ საკუთარ თავში. ასევე შეეხება ურანის ტრანზიტი მერწყულებს, ლომებს და მორიელებს. თუმცა, მეტ-ნაკლებად ყველაზე აისახება ეს უმნიშვნელოვანესი ცვლილება. ასე რომ იმ ხალხის დრო მოდის, ვისაც ექსპერიმენტების არ ეშინია და მზადაა გამოწვევებისთვის. აჰყევით ურანის წესებს, გარისკეთ, ჩაატარეთ ექსპერიმენტები და დაინახავთ, რომ თქვენს ცხოვრებაში ახალი, შვიდწლიანი, ძალზე ნაყოფიერი პერიოდი დაიწყება მაისიდან.