კელტური ჰოროსკოპი - ორაგული 5 აგვისტო / 1 სექტემბერი

ვრცელი ტერიტორია დასავლეთ და ცენტრალურ ევროპაში განსაკუთრებული ადათ-წესები, რწმენის საფუძვლები და ტრადიციები გააჩნდათ. კელტები ერთ-ერთ ყველაზე უშიშარ და მებრძოლ ხალხს წარმოადგენდნენ. მიჩნეულია, რომ მათ უმრავლესობას განსაკუთრებული ეზოთერული ცოდნა, ნიჭი და უნარები გააჩნდა. ჩვენამდე მოაღწია კელტების მიერ შედგენილმა ძალზე საინტერესო ჰოროსკოპმა, რომელიც ე.წ. "ტოტემებს", დაბადების თარიღის მიხედვით ცხოველთა ჩამონათვალს აერთიანებს. ძველ კელტებს მიაჩნდათ, რომ ადამიანს საკუთარ ტოტემთან განსაკუთრებული მსგავსება ახასიათებს. დღეიდან სტატიების ციკლში, წარმოგიდგენთ თითოეულ მათგანს:

ორაგული

5 აგვისტო / 1 სექტემბერი

მმართველი პლანეტა მერკური

მისი ქვაა – ამეთვისტო

ხასიათის დადებითი მხარეები: ამტანობა, სიცოცხლისუნარიანობა, მიზანსწრაფულობა, პირდაპირობა და პრინციპულობა.

ორაგულის ტოტემით დაბადებული ადამიანები სიფრთხილით და წინდახედულებით გამოირჩევიან. ისინი შორსმჭვრეტელები და კომუნიკაბელურები არიან. ხშირად იკეთებენ ბრწყინვალე კარიერას და აღწევენ მაღალ სოციალურ სტატუსს ცხოვრებაში. სიმკაცრესა და ლოიალურობას საჭიროებისამებრ, სიტუაციის მიხედვით ავლენენ.