კელტური ჰოროსკოპი - სელაპი 18 თებერვალი /17 მარტი

საკმაოდ ვრცელი ტერიტორია დასავლეთ და ცენტრალურ ევროპაში განსაკუთრებული ადათ-წესები, რწმენის საფუძვლები და ტრადიციები გააჩნდათ. კელტები ერთ-ერთ ყველაზე უშიშარ და მებრძოლ ხალხს წარმოადგენდნენ. მიჩნეულია, რომ მათ უმრავლესობას განსაკუთრებული ეზოთერული ცოდნა, ნიჭი და უნარები გააჩნდა. ჩვენამდე მოაღწია კელტების მიერ შედგენილმა ძალზე საინტერესო ჰოროსკოპმა რომელიც ე.წ. "ტოტემებს", დაბადების თარიღის მიხედვით ცხოველთა ჩამონათვალს აერთიანებს. ძველ კელტებს მიაჩნდათ, რომ ადამიანს საკუთარ ტოტემთან განსაკუთრებული მსგავსება ახასიათებს. დღეიდან სტატიების ციკლში, წარმოგიდგენთ თითოეულ მათგანს:

სელაპი

18 თებერვალი - 17 მარტი

მფარველი პლანეტა ნეპტუნი

მისი ქვაა მარჯანი

ხასიათის დადებითი მხარეები: მაღალი სულიერების დონე, ტაქტიანობა, ლოიალური დამოკიდებულება ადამიანების მიმართ. თანაგრძნობის საოცარი უნარი. კარგი ინტუიცია.

სელაპის ტოტემით დაბადებული ადაიანები, გარშემო მყოფების მიმართ მიმტევებლური დამოკიდებულებით არიან გამორჩეულნი. მათ უმრავლესობას მუდმივად აქვს სურვილი, სულ ცოტათი მაინც გააუმჯობესოს სამყარო და გაუუმჯობესოს ცხოვრება სხვებს. ბუნებით რომანტიკულებს და მეოცნებეებს, კარგი ადაპტაციის უნარი და ინტელექტის მაღალი კოეფიციენტი გააჩნიათ. ისინი ცნობისმოყვარეები და მრავალმხრივები არიან, ამიტომ მთელი სიცოცხლის მანძილზე იმაღლებენ ერუდიციის დონეს.