კვირის ასტროლოგიური პროგნოზი 14 -20 ივლისი

ეს ის პერიოდია, როცა თამამად შეგიძლიათ ხელი მოჰკიდოთ სამომავლო, გრანდიოზული და მსხვილბიუჯეტიანი პროექტების დაგეგმვას. განსაკუთრებული წარმატებაა მოსალოდნელი ამ მხრივ მათთვის ვინც შემოქმედებით, შოუ-ბიზნესის ან რეკლამის სფეროში მოღვაწეობს. ყველაზე მეტად კი ფორტუნა ცეცხლის სტიქიის წარმომადგენლებს – ლომებს, ვერძებს და მშვილდოსნებს უღიმით. არანაკლებ მომგებიანი შეიძლება იყოს ეს დრო სასწორების , კირჩხიბებისა და ქალწულებისთვისაც .

ძალიან აქტიური და ხმაურიანი კვირა დაგვიდგა პოლიტიკური თვალსაზრისით. წინ მხურვალე დებატები, საზოგადო შეკრებები და სხვადასხვა ტიპის აქტიური მოვლენები გველის.

ფინანსური კუთხით ეს პერიოდი არაერთგვაროვანი იქნება. ვიღაცისთვის შესაძლოა ამ კვირამ მოულოდნელი გამდიდრების შანსები მოიტანოს, ვიღაცას კი პირიქით გაუთვალისწინებელი დანახარჯებისა და გასავლის წინაშე დააყენებს ბედი.

გააქტიურდება ადამიანებში ერთგვარი სნობისტური მიდრეკილებები, რამაც შესაძლოა ბევრი ჩვენგანი მეგობრებთან ურთიერთობის დაძაბვამდე მიიყვანოს. მოუფრთხილდით უკვე არსებულ მეგობრულ კავშირებს.ზაფხულის მოკლევადიან შთაბეჭდილებებს ნუ გადააყოლებთ იმას, რაც წლების მანძილზე გიშენებიათ და ესოდენ ფასეულია თქვენთვის. გახსოვდეთ, ერთი მარტივი ჭეშმარიტება "ყველაფერი რაც ბრწყინავს ოქრო არ არის!"

სიკეთეს, წინდახედულებასა და ზაფხულის ლამაზ დღეებს გისურვებთ!