კვირის ასტროლოგიური პროგნოზი 26-31 იანვარი

და გასამყარებლად. სასურველია, საამისოდ ერთობლივი საქმიანობა, შოპინგი ან კულინარიული "დუელიც" კი გამოიყენოთ. მთვარე კუროს ზოდიაქოში, ვენერა კი თევზებში შესანიშნავ გარემოს შექმნის გემრიელი და მყუდრო საღამოების მოსაწყობად.

ვენერას თემას ისევ უნდა დავუბრუნდეთ, იმიტომ რომ მისი გადასვლა თევზების ზოდიაქოში არამხოლოდ პირად კავშირებზე, სახელოვნებო სფეროებში მომუშავე ადამიანების პროფესიულ მაჩვენებელსა და მიღწევებზეც აისახება. ამიტომ სასურველია თუკი თქვენ ზემოხსენებული დარგის სპეციალისტი ბრძანდებით, მაქსიმალურად გამოიყენოთ უახლოესი პერიოდი თვითრეალიზაციისთვის.

თუმცა, აქვე ვიტყვი იმასაც, რომ ვენერას მდებარეობას ზურგს გაუმაგრებს მარსიც ასევე თევზების ზოდიაქოს ნიშანში - ამიტომ საუკეთესო პერიოდი მაინც იმ ადამიანებს უდგათ, ვისი საქმიანობაც ცეკვებთან, პლასტიკასთან, მხატვრულ ტანვარჯიშთანაა დაკავშირებული.

27-29 იანვრის შუალედში ბევრ თქვენგანს გასაოცარი იდეები და გონების წამიერი განათება ეწვევა . მით უმეტეს მათ, ვისი პროფესიაც ინტერნეტთან, ტექნიკა-დანადგარებთან ან პიარ-მარკეტინგის სფეროში მუშაობას ითვალისწინებს. ჩემი რჩევაა, ჩაინიშნოთ ეს იდეები და მათ უშუალო განხორციელებას უკვე თებერვლის შუა რიცხვებიდან შეუდგეთ.

30-31 იანვრის პერიოდში სასურველია თავი შეიკაოთ პირად ურთიერთობებში წარმოქმნილი გაუგებრობების კონფლიქტის გზით გადაჭრისგან. რისი სურვილიც ბევრ თქვენგანს დაუფარავად ექნება. გარდა ამისა, ამ პერიოდში არ არის მიზანშეწონილი აწარმოოთ სამართლებრივი დავა ან გამოიჩინოთ დაუმორჩილებლობა კანონის წარმომადგენლების მიმართ. წინააღმდეგ შემთხვევაში, ერთი შეხედვით მარტივი შელაპარაკება შესაძლოა ერთობ არასახარბიელო შედეგებითაც დასრულდეს.