რას მოასწავებს ფენ-შუის მიხედვით ბინის ნომერი რომელშიც ცხოვრობთ
და მათ გავლენას ადამიანების ცხოვრებაზე, ოდითგანვე ბევრ ქვეყანაში ექცეოდა დიდი ყურადღება. ევროპულ ქვეყნებში ესოდენ აპრობირებული ფენ-შუის მიხედვით, იმასაც კი დიდი მნიშვნელობა აქვს თუ როგორია კონკრეტული ბინის ნომერი რომელშიც ცხოვრობთ. ამიტომ ფენშუის მცოდნეები, კონკრეტული საქმიანობის მიხედვით გვირჩევენ ბინის შერჩევას.
ბინის კოდის გამოთვლა კი მარტივი მეთოდით ხდება. დაყავით თქვენი ბინის (სახლის) ნომერი მარტივ მამრავლებად საბოლოო ერთნიშნა ჯამის მიღებამდე. მაგალითად, თუ თქვენი ბინის ნომერია 46 მისი კოდი ასე გამოითვლება - 4+6= 10 შემდგომ ამისა 1+0= უდრის 1-ს. გამოდის, რომ ამ კონკრეტული ბინის კოდი არის ერთიანი.
1. მზის ენერგიას ატარებს . ამ ბინაში შემოქმედი, ხელოვანი ადამიანების ადგილია. მასში ცხოვრების შემდეგ, თქვენი ცნობადობის დონე გაიზრდება საზოგადოებაში. ასეთი ბინა საუკეთესოა მწერლებისა და ჟურნალისტებისთვისაც.
2. მთვარის ენერგეტიკით დაჯილდოებული სახლია. კულინარიით, მუსიკით გატაცებული ხალხის საცხოვრებელია. იგი ასევე დადებითად მოქმედებს ისეთ ადამიანებს ვისი პროფესიაც პედაგოგიკას, ზოგადად ბავშვებთან ურთიერთობას უკავშირდება.
3. მარსის ენერგიით დამუხტული სახლია. ეს სახლი ზარმაცი ხალხის თავშესაფარი ვერასოდეს იქნება. პასიური ცხოვრების წესით თუ აპირებთ ცხოვრებას, ამ სახლში გადასვლის შემდეგ თქვენი ცხოვრება უკუღმა წავა. სპორტსმენის, სამხედროს კარიერით დაკავებული ხალხისთვის იდეალური ბინაა.
4. ეს ბინა მერკურის ენერგიით იკვებება. ამიტომ მასში ბევრი ტექნიკა უნდა განათავსთ და ხშირად მოაწყოთ მეგობრული შეკრებები. თუკი თქვენი საქმიანობა ე.წ. "აუთსორსის" ტიპისაა საუკეთესო ბინა მოგინახიათ საამისოდ. ეს ის ბინაა, რომელშიც ხშირად დაიგეგმება სხვადასხვა ტიპის მოგზაურობები და ხშირად ჩალაგდება ჩემოდნები.
5. იუპიტერის ენერგეტიკულ ზოლში მოხვდით. ამ სახლში თქვენი ცოდნა საგრძნობლად ამაღლდება, ნუ გაგიკვირდებათ, თუკი ახალ ბინაში გადასვლის შემდეგ გულმა სხვადასხვა სფეროის ათვისებისკენ გაგიწიოთ ან ხელი უბრალოდ თვითგანვითარებას მიჰყოთ.
6. ვენერას ენერგოვიბრაციით გაჯერებული ბინაა. იგი შეიძლება სასიყვარულო ბუდედ იქცეს ნებისმიერისთვის. გამორიცხული არ არის ზუსტად ამ ბინაში გესტუმროთ თქვენი მომავალი საბედოც, სტუმრის სტატუსით. იდეალური ბინაა გართობის, სილამაზის, მოდისა და კომფორტის მოყვარული ხალხისთვის.
7. სატურნის ენერგია, რომელიც ამ ბინას დასტრიალებს თავს ალბათ ხშირად გაიძულებთ შეეგუოთ სხვადასხვა ტიპის შეზღუდვებს, მიშენება-მოშენებას, ხმაურიან მეზობლებს ან საერთოდაც უმეზობლობას. გამორიცხული არაა მათთან თავად არ ისურვოთ ახლო ურთიერთობაში შესვლა. სამაგიეროდ, ეს კარგი ბინა იქნება მათთვის, ვინც კვლევით ან სამეცნიერო საქმიანობას ეწევა. შესანიშნავია იგი ექიმის პროფესიის მქონე ადამიანისთვისაც.
8. ურანი მართავს ამ სახლის ენერგეტიკას, ამიტომ ეს ბინა საუკეთესოა მეგობრებთან ერთად საცხოვრებლად. ურანი ხომ თავის მხრივ ასტროლოგიაში მეთერთმეტე ანუ მეგობრების სახლს მართავს. თუმცა, ურანივე აგებს პასუხს ასტროლოგიურ და ნათელმხილველურ ნიჭზეც. ამიტომ მსგავსი ტიპის ბინაში შეიძლება სულაც ასტროლოგი ცხოვრობდეს.
9. ამ ბინის ენერგოვიბრაციის მმართველი პლანეტა ნეპტუნია , რომელიც თქვენს საცხოვრებელს ერთგვარ "ბერმუდის სამკუთხედად" აქცევს. ამ ბინაში ფსიქოლოგი, ღვთისმსახური ან თეოლოგიით გადატაცებული ადამიანი უნდა ცხოვრობდეს. იგი განდეგილებისთვის განკუთვნილი ბინაა და მის წიაღში მარტივია, როგორც საკუთარ თავზე მუშაობა ისე დეპრესიის "წამოკიდება".