რატომ უნდა იამაყო შენი ზოდიაქოს ნიშნით - კირჩხიბი

ყველაზე კარგი?" საქმე იმაშია ჩემო კარგებო, რომ ზოგადად ასტროლოგიის გადმოსახედიდან არ არსებობს ამ მხრივ სიტყვა კარგის და ცუდის ზუსტი დეფინიცია. ზოდიაქოს ნებისმიერი ნიშანი ფლობს საკუთარ თავში, როგორც დადებით, ისე უარყოფით სახასიათო შტრიხებს, რომელთა გამოვლენა-გაძლიერება ან პირიქით დამუშავება და განეიტრალება, მარტოოდენ პიროვნული განვითარების დონეზე და ნებისყოფის სიძლიერეზეა დამოკიდებული ნებისმიერი ჩვენთაგანის შემთხვევაში.

შესაბამისად, არც ქალწული მამაკაცები წარმოადგენენ საყოველთაო ქირქილის საგანს თავად ამ ნიშნის სახელწოდებიდან გამომდინარე, არც ვერძი ქალები არიან ალქაჯები და ხისთავიანები და არც მორიელები ფლობენ ლეგენდად ქცეულ და დაუშრეტელ სექსუალურ პოტენციალს. ყველაფერი ჩვენს ინდივიდუალიზმსა და პიროვნული განვითარების დონეს ექვემდებარება. თუმცა, სიამისოდ, რომ კიდევ უფრო ახლოს გაგაცნოთ საკუთარი ნიშანი და ამასთან ერთად, უკეთ აგიხსნათ და დაგანახოთ ის, თუ რატომ უნდა იამაყოთ სწორედ იმით, რომ კონკრეტულად ამა თუ იმ ნიშნის წარმომადგენელი ბრძანდებით, მე გადავწყვიტე, დავიწყო სტატიების ციკლი, სადაც ნიშნის მახასიათებლებთან ერთად, თქვენი ზოდიაქოს ცნობილ, წარმატებულ და პოპულარულ წარმომადგენლებს გაგაცნობთ. სწორედ მათი მაგალითით შევეცდები აგიხსნათ ის მარტივი ჭეშმარიტება, თუ როგორ გამოიყენოთ საკუთარი ზოდიაქოს ნიშნის დადებითი მხარეები ცხოვრებაში მაქსიმუმის მისაღწევად, ხოლო უარყოფითს ეფერქტური ბრძოლა გამოიცხადოთ.

რა პრიორიტეტები გააჩნია კირჩხიბს

"მე საშინლად ზარმაცი ვარ, მაგრამ როცა მაქვს კონკრეტული სამუშაო, თავს ვაიძულებ მაქსიმალურად მობილიზებული ვიყო, იმიტომ რომ პანიკურად მეშინია წარუმატებლობის. შიში რომ არა, ჩემგან არასოდეს შედგებოდა მსახიობი"

მერილ სტრიპი

დიახ, დიახ კირჩხიბის უმთავრესი პრობლემა სწორედ ეს ზემოხსენებული შიშია. პრინციპში ამ ყველაფერს შიშზე უფრო მეტად პირადად მე ფობიებს და ქვეცნობიერ კომპლექსებს დავარქმევდი. ზოდიაქოს ამ ნიშნით დაბადებულების მმართველად ხომ მთვარეა მიჩნეული, მთვარე კი მოგეხსენებათ ყველა სახის სითხეებზე ახდენს გავლენას, მათ შორისაა ადამიანიც, მით უმეტეს ისეთი ადამიანი რომელიც წყლის სტიქიის წარმომადგენლად ითვლება ასტროლოგიური კუთხით. კირჩხიბი კი ზუსტად ასეთია.

ზოდიაქოს ამ ნიშნით დაბადებული ადამიანები ერთი შეხედვით უმწეო, დაუცველი და მყიფე ფსიქიკის მქონე ინდივიდების შთაბეჭდილებას ტოვებენ. თქვენ იშვიათად შეხვდებით კირჩხიბს, რომელიც საზოგადოების ყურადღებას დებოშიორობით, სიფიცხითა და შემტევი ხასიათით იქცევს. კირჩხიბს საკუთარი სივრცის შეგრძნება გასაოცარი სიმძაფრით აქვს განვითარებული, ამიტომ სადაც მიდის ყველგან ცდილობს შეიქმნას მყუდრო ბუდე და გარშემო მისთვის კომფორტული თანამეინახეები შემოიკრიბოს.

თუკი სამსახურში ზოდიაქოს ამ ნიშნის ქვეშ დაბადებული თანამშრომელი გყავთ, მას მუდმივად და აუცილებლად ექნება საგულდაგულოდ გადამალული სასუსნავის და ყავის მარაგი კარადაში. თუმცა ეს ხელს არ შეუშლის სხვებს დააპატიჟებინოს ხოლმე თავი ფინჯან ყავაზე. ეს იმას როდი ნიშნავს, რომ კიბო ძუნწი ან ეგოცენტრიკი ნიშანია, არა და არა. უფრო პირიქით, იგი პერიოდულად საკმარისზე მეტად მზრუნველი და გულჩვილიც შეიძლება იყოს. თუმცა სანამ კარგად არ დარწმუნდება იმაში, რომ უყავობით გვალვისგან გამომხმარ ხეს დაემსგავსეთ ნამდვილად არ იჩქარებს დახმარების ხელის გამოწოდებას.

გახსოვდეთ, ნებისმიერი კირჩხიბის ძალა მის სისუსტეში მდგომარეობს. ამიტომ ძალიან ცდება ის, ვინც ამ ადამიანს უსუსურ, მოწუწუნე და დეპრესიულ ტიპად აღიქვამს. კირჩხიბის მოთმინება უსაზღვრო და ყოვლისმომცველია. მიზნისკენ სავალ გზაზე კი მას ვერავინ გააჩერებს, თუკი რაიმე კონკრეტული ჩანაფიქრის განხორციელება აქვს განზრახული სამომავლოდ. კირჩხიბს წლობით შეუძლია სფინქსის მოთმინებით ელოდოს სასურველ მომენტს. ამასთან ერთად, გარეგნული უშფოთველობის ნიღბის უკან, ვერასოდეს დაინახავთ რას და როგორ განიცდის რეალურად.

თუკი მომსწრე გახდით იმის, თავსდატეხილ განსაცდელს ეს ადამიანები რამხელა პანიკით ხვდებიან, შეიძლება გეგონოთ, რომ რეალური პრობლემები მათ წამის მეასედში გაანადგურებს და სწორედ აქ ცდებით კირჩხიბის შეფასებაში! ამ ხალხის უნიკალურობა სწორედ იმაში მდგომარეობს, რომ მას შემდეგ რაც, მღელვარების პირველი ტალღა ჩაცხრება ისინი გასაოცარი სულიერი ძალისა და ნებისყოფის მობილიზებას ახერხებენ საკუთარ თავში. ამის ხარჯზე კი ფაქტოვბრივად არ არსებობს პრობლემა, რომელსაც კირჩხიბის მოთმინება და კონცენტრაციის უნარი ვერ მოუძებნის სწორ გასაღებს და გადაწყვეტილებას. მაგრამ ზემოხსენებული შიში ხდება ხშირად უმთავრესი მიზეზი იმისა, რომ კირჩხიბს თავისი შიშების ბოთლში გამომწყვდევა შეუძლია. მერე კი გზა მოკლეა წარმატებამდე.