როგორ ავიმაღლოთ თვითშეფასება, ზოდიაქოს ნიშნიდან გამომდინარე?

მიღებული კომპლექსების გამო იტანჯება ან ვერ ახერხებს წინსვლას. მაღალი თვითშეფასება აუცილებელია პირობაა საიმისოდ, რომ ადამიანი წარმატებული გახდეს. შინაგანი შიშებისა და კომპლექსების დაძლევის გზა კი ზოდიაქოს ნიშნიდან გამომდინარე, სხვადასხვაგვარია.

ასე მაგალითად ვერძისთვის თვითშეფასების ამაღლების საუკეთესო საშუალებაა რაიმე ახლის წამოწყება. საკუთარი თავისთვის ახალი გამოწვევების მიცემა.

კუროსთვის თვითშეფასების ამაღლების გზა ფინანსურ კეთილდღეობაზე გადის. მეტი შემოსავალი - მეტ თავდაჯერებულობას უდრის.

ტყუპისთვის საუკეთესო გზა თვითშეფასების ასამაღლებლად არის ის, რომ მისი ნათქვამი იყოს სხვებისთვის საინტერესო. კარგია სხვებს საკუთარი ცოდნა გადასცეს.

კირჩხიბს თვითშეფასებას ოჯახის წევრების მხრიდან დაფასება და პატივისცემა აუმაღლებს. ამიტომ მან უნდა იზრუნოს, რომ სანიმუშო იყოს ამ ადამიანების თვალში.

ლომს თვითშეფასებას ძალაუფლება უმაღლებს. სხვების მართვის და სხვათა ბედის გადაწყვეტის შესაძლებლობა, ლომებს საკუთარი თავის რწმენას უმტკიცებს. თუმცა, სხვებზე მონოპოლია მან დიქტატურაში კი არა, სხვებზე ზრუნვასა და დაცვაში უნდა გამოხატოს.

ქალწულს თვითშეფასებას კარგად შესრულებული სამუშაო და ზოგადად შრომა უმაღლებს. როცა მან იცის, რომ მისი შრომა სარგებლის მომტანია, იგი ბევრად უფრო მოტივირებული და ბედნიერი იქნება.

სასწორს თვითშეფასებას პარტნიორული ურთიერთობები უმაღლებს. თუკი მას ჰარმონია აქვს ამ მხრივ, შინაგანადაც გაწონასწორებული იქნება.

მორიელს

თვითშეფასების ასამაღლებლად ძალაუფლება და გამოწვევები სჭირდება. მძაფრი შეგრძნებები ეს ის "დოპინგია", რომელიც ნებისმიერ მორიელს ესაჭიროება საკუთარი თავის პატივსაცემად.

მშვილდოსანს თვითშეფასებას საზოგადოებაში დაფასებული და ჭკუის საკითხავი კაცის იმიჯი აუმაღლებს. მშვილდოსნებს უყვართ სხვებისთვის მორალის კითხვა. თუმცა, ეს არ უნდა გაცდეს ზომიერების ფარგლებს.

თხის რქას თვითშეფასებას კარიერული წინსვლა და პროფესიული მიღწევები უმაღლებს. რაც უფრო მეტს აღწევს ეს ადამიანი პროფესიულ სარბიელზე, მით უფრო თავდაჯერებული ხდება.

მერწყულისთვის თვითშეფასების ამაღლების გზა საკუთარი ინდივიდუალიზმის ხაზგასმაა. როცა იგი ახერხებს იყოს გამორჩეული სხვებისგან, გაცილებით უფრო კმაყოფილი და თავდაჯერებული ხდება.

თევზებს თვითშეფასებას სხვების დახმარება და თანადგომა უმაღლებს. თუკი მან იცის, რომ ვიღაცისთვის ემოციური საყრდენია მძიმე წუთებში ეს ძალიან აბედნიერებს.