როგორ ვაჯობოთ კამათში ამა თუ იმ ზოდიაქოს ნიშანს

აღმოჩენილხართ კამათის დროს გამოუვალ მდგომარეობაში, იმ შემთხვევაში, როცა მოწინააღმდეგე მხარეს არანაირი არგუმენტის გაგონება არ სურს და მოსმენითაც კი არ ცდილობს თქვენი ნააზრევის მოსმენას. რას ვიზამთ, არსებობენ დემაგოგიისკენ განსაკუთრებულად მიდრეკილი ნიშნები (მშვილდოსანი, ტყუპი, ლომი) ან ნიშნები, რომელთაც გასაოცარი სიჯიუტე და პრინციპულობა გააჩნიათ (კურო, თხის რქა, მორიელი)... აქედან გამომდინარე, საიმისოდ, რომ ჩიხურ სიტუაციას ეფექტურად დააღწიოთ თავი, გთავაზობთ სუსტი წერტილების ჩამონათვალს, რომელიც დაგეხმარებათ ამა თუ იმ ნიშნით დაბადებულთან კამათისას სიტუაცია თქვენი უპირატესობით წარმართოთ...

ვერძთან კამათს დიპლომატიურობა ჯობს. უთხარით, რომ მის აზრს პატივს სცემთ, არ ეკამათოთ. დრო მიეცით დასაფიქრებლად.

კუროსთან უპირატესობის მოსაპოვებლად, საჭიროა დაარწმუნოთ, რომ თქვენი მოსაზრება დროში აპრობირებული, ათასგზის გამოცდილი და დატესტილია.

ტყუპთან თავიდანვე აჯობებს არ შეხვიდეთ პოლემიკაში, იმიტომ რომ ტყუპი კამათის დიდოსტატები არიან. უმჯობესია, მას თქვენი მოსაზრების ინოვაციურობა დააჯეროთ. სიახლეები ტყუპს მაგნიტივით იზიდავს.

კირჩხიბი

პანიკიორია, შესაბამისად, ნუ შეეცდებით მასთან თქვენი არგუმენტების "წიხლით გატანას". აუხსენით, რომ თქვენს აზრზე გადმოსვლით მის უსაფრთხოებას არაფერი ემუქრება. დამიჯერეთ, ასე მას ადვილად დაიყოლიებთ.

ლომთან კამათის დაწყებაც კი ფიასკოსთვისაა განწირული. უმჯობესია დიპლომატიას მიმართოთ და კამათისას შეახსენოთ, რომ ეს აზრი, რომელსაც ახლა მის წინაშე ამტკიცებთ, ოდესღაც თავად მას მოუვიდა თავში და თქვენ ამით მას შემდეგ აღფრთოვანებული დადიხართ.

ქალწულს უმჯობესია თქვენი მოსაზრების დეტალური ანალიზი გააცნოთ. თუკი საკითხში არგუმენტირებულად შეეკამათებით იგი აუცილებლად დაგიჯერებთ.

სასწორთან კამათი ყველაზე მარტივი საქმეა, მას იმდენად ეზიზღება თავად კამათის პროცესი, რომ მზადაა ნებისმიერ მოსაზრებაზე დაგიქნიოთ თავი. უბრალოდ გადაამოწმეთ, ნახევარ საათში ზუსტად იმავეს სხვასთან საუბრისასაც გაიმეორებს.

მორიელი იშვიათი, ჯიუტი ოპონენტია. კამათისას დაანახვეთ, რომ საკითხში სიღრმისეულად ხართ გარკვეული და რაც მთავარია, სამართლიანად თამაშობთ. გულწრფელობას მორიელი დიდად აფასებს.

მშვილდოსანი მოწოდებით დემაგოგია, შესაბამისად, მასთან კამათს თქვენი ნერვების დიდი ნაწილი შეეწირება. აჯობებს მოუსმინოთ და არაფერში შეეპასუხოთ, ცოტა ხანში თავად შეიცვლის შეხედულებებს.

თხის რქა იშვიათი სიჯიუტის მქონე და პრინციპული ნიშანია. მასთან კამათი არგუმენტებით შეიარაღებულმა უნდა დაიწყოთ და ზურგის გასამაგრებლად ერთი-ორი კომპეტენტური და ავტორიტეტის მქონე პიროვნებაც დაიმოწმოთ. თხის რქა აფასებს ავტორიტეტებს.

მერწყულთან კამათი ყველაზე რთული საქმეა, მიუხედავად იმისა, რომ იგი ძალიან მეგობრულ-კოლეგიალური ადამიანის შთაბეჭდილებას ტოვებს. საქმე ისაა, რომ მისი თქვენ გავლენაში მოქცევა ფაქტობრივად შეუძლებელია. ისღა დაგრჩენიათ საკუთარი მოსაზრების სისწორეში და ჰუმანურობაში დაარწმუნოთ იგი.

თევზები ყველაზე მარტივი ოპონენტია საკამათოთ, მთავარია, მისთვის როგორმე გულის აჩუყება შეძლოთ და ერთი-ორი კურცხალი გადმოაგდებინოთ.