როგორი იქნება ძაღლის წელი და რომელი პროფესიის ადამიანებს გაუმართლებთ დამდეგ 2018 წელს ყველაზე მეტად

მიწის ძაღლი იქნება. რაც იმას ნიშნავს, რომ წელიწადი შედარებით მშვიდად და პოზიტიურად ჩაივლის. ძაღლი ერთგული, თავდადებული არსებაა. იგი აფასებს მეგობრობას და ახლო კავშირებს. თუმცა მეგობრულობის მიუხედავად, შეუძლია საკმაოდ პრინციპულად და აგრესიულადაც კი დაიცვას საყვარელი ადამიანები, თუკი მათ რაიმე მიზეზით საფრთხე ემუქრებათ.

ძაღლი კარგი ყნოსვითა და ინტუიციით გამოირჩევა. მას უნარი აქვს მარტივად ამოიცნოს მოღალატე და არასაიმედო ადამიანი. ძაღლი უშეცდომოდ ირჩევს მეგობრებს და ყოველთვის საუკეთესო მეგობარია თავადაც მთელი ცხოვრების მანძილზე. იგი ყოველთვის დროზე მოდის განსაცდელის დროს დასახმარებლად და საყვარელი ადამიანების მხარდასაჭერად. ძაღლები კარგი მეოჯახეები, ცოლები და ქმრები არიან. მათ უყვართ ოჯახური სიმყუდროვე და ტრადიციები. მათ ასევე ძალიან უყვართ ბავშვები და მიდრეკილება აქვთ ბევრი შვილი ჰყავდეთ.

წლის მფარველი ყვითელი ფერის ძაღლია. ის ახასიათებს მას როგორც სიბრძნის, წინდახედულების, მოვლენებისა და ფაქტების რეალისტურად ხედვის ნიჭის მქონე არსებას.

მიწის სტიქია და ყვითელი ფერი, წლის მანძილზე მთავარ ფასეულობათა შორის მატერიალური დოვლათის დაგროვების უნარს უსვამს ხაზს. უმართლებთ ისეთი პროფესიის ადამიანებს როგორიც არის - იურისპრუდენცია, საბანკო სექტორი, უძრავი ქონებით ვაჭრობა და ა.შ. არაჩვეულებრივი წელია სოფლის მეურეობის დარგში დაკავებული ადამიანებისთვის. კარგია ასევე საკუთარი ბიზნესის წამოწყება-გაფართოებაც.