როგორი იქნება თქვენი სიბერე ზოდიაქოს ნიშნის მიხედვით

ფსიქოტიპებად არიან დაყოფილი, ამიტომ თითოეულ მათგანს საკუთარი, ინდივიდუალური დამოკიდებულება გააჩნია წლების მატებასთან და სიბერესთან ზოგადად.

ყველაზე მეტად ახალგაზრდული სულით, ოპტიმიზმითა და შემართებით ცეცხლის ნიშნები გამოირჩევიან. ვერძები, ლომები და მშვილდოსნები არასოდეს ეპუებიან წლების მატებას. ყოველთვის ცდილობენ დინამიურად, სავსე ცხოვრების რიტმით იცხოვრონ და სხვებიც წააქეზონ ამისკენ. თუმცაღა მათთვის დამახასიათებელი მოუსვენრობა და რისკის სიყვარული, ხშირად ხდება ამ ხალხის ცხოვრებაში სხვადასხვა სახის ტრამვისა და მოტეხილობის მიზეზი. ამიტომ ცეცხლის ნიშნები ძირითადად მხოლოდ ამ შემთხვევის გამო ეჯაჭვებიან სახლს, წამლებს და ლოგინს (ანუ ბებრული ცხოვრების რიტმს).

აი, რაც შეეხებათ ჰაერის სტიქიის წარმომადგენლებს – ტყუპს, სასწორებსა და მერწყულებს, მათშიც საკმარისზე მეტადაა ახალგაზრდული შემართება და აზარტი. თუმცა, ყველაზე ინფანტილური ჰაერებს შორის, მაინც ტყუპია. ამიტომ ეს ხალხი ხანდაზმულ ასაკამდე ინარჩუნებს "დიდი ბავშვის" ხასიათს და მანერებს. ის კი არა, "მარადმწვანე სტუდენტების" სიაშიც ყველაზე ხშირად ტყუპი გვხვდება.

რაც შეეხებათ მერწყულებს, მათთან ღამის მმართველად მაინც მკაცრი სატურნი ითვლება, ამიტომ მერწყულებს შორის უფრო გვხვდება ხალხი, ვინც სიბერის მძიმე უღელს ემორჩილება. თუმცა ტიპური მერწყულები, როგორც წესი ასაკის მატებასთან ერთად უფრო და უფრო "ცელქდებიან". აქედან გამომდინარე, ბავშვობაში არაბავშვურად სერიოზული მერწყული, ოთხმოცი წლის ასაკში დახეული ჯინსებით და კეტასებით რომ ნახოთ, რომელიმე ეგზოტიკურ ქვეყანაში სამოგზაუროდ მიმავალი, არ უნდა გაგიკვირდეთ.

აი, სასწორის შემთხვევაში კი, წლების მატება მათთვის გარეგნული მომხიბვლელობის დაკარგვის საშიშროებასთან ასოცირდება. ამიტომ სასწორების ყოველთვის ცდილობენ ამ მხრივ თავი გაინებივრონ. შესაბამისად, ხშირად სტუმრობენ ესთეტიკ-ცენტრებს ან შინაურულ პირობებში ინებივრებენ თავს სხვადასხვა სახის გამაჯანსაღებელი პროცედურით.

მიწის სტიქიის წარმომადგენლებს კუროს, ქალწულსა და თხის რქას, როგორც წესი, ასაკის მატება პირიქით მომხიბვლელობას ჰმატებს. თხის რქის მმართველი პლანეტა სატურნია, რომელიც თავის მხრივ დროის დინების მმართველად ითვლება. ამიტომ, ბავშვობის ასაკში "პატარა მოხუცებად" ქცეულ თხის რქებს იგი, წლების მატებასთან ერთად აჯილდოებს სიჯანსაღითა და ახალგაზრდული შემართებით.

კუროების პრობლემა, როგორც წესი, გემრიელი ჭამა-სმის სიყვარულია. ამიტომ ასაკის მატება მათთვის წონის მატების სინონიმიცაა. შესაბამისად, კუროს სიბერე ძალიან აწუხებს იმ უბრალო მიზეზის გამო, რომ მოქნილობა, რომელიც ამ ხალხს არც ახალგაზრდულ ასაკში გააჩნია დიდი დოზით, წლების და კილოგრამების მატებასთან ერთად ქრება. რის შედეგადაც ბევრი კურო შაქრიანი დიაბეტის ან გულის იშემიური დაავადებების კანდიდატია, ისევ და ისევ წონის სიჭარბიდან გამომდინარე. ამიტომ ასტროლოგები კუროებს ურჩევენ, კვების ჯანსაღი რაციონი და სწორი დღის რეჟიმი ახალგაზრდობიდანვე შეურჩიონ საკუთარ თავს.

ქალწულის ზოდიაქოს ნიშნით დაბადებულებს, ასაკის მატება გარეგნობაზე მეტად ხასიათზე ეტყობათ. დაბადებიდან კრიტიკული ქალწული, როგორც წესი, ასაკში უფრო მეტად კრიტიკული და მეწვრილმანე ხდება. რაც იმას იწვევს, რომ ზოდიაქოს ამ ნიშნით დაბადებულთა დიდ ნაწილს უჩნდება სურვილი, განმარტოებით იცხოვროს, მოერიდოს ხმაურიან ატმოსფეროს, ხალხმრავლობას და დღეები სიმშვიდეში გაატაროს, სხვადასხვა სახის პატარა ცხოველებთან ერთად (ცნობილია, რომ ქალწულს ჩიტები, კატები და მცირე ზომის არსებები იზიდავს ხოლმე).

დაბოლოს, წყლის სტიქიის წარმომადგენლები კირჩხიბი, თევზები და მორიელი ხშირად სტრესის და გადამეტებული ემოციური ბუნების გამო "ახერხებენ" იმას, რომ ხანშიშესულ ასაკამდე ათასგვარი სახის ქრონიკული დაავადება აიკიდონ ან უბრალოდ, საფუძვლიანად მოიშალონ ნერვული სისტემა. ამიტომ სიბერის ნაადრევი კვალი, ბევრი მათგანის გარეგნობას გაცილებით ადრე ასვამს დაღს ვიდრე ზოდიაქოს დანარჩენი ნიშნების შემთხვევაში ხდება ეს.

კირჩხიბები ორი ტიპის არიან. ერთნი, რომელთაც "მუდმივი ბავშვები" ჰქვიათ და ჯიუტად არ სურთ ცხოვრების მანძილზე გაზრდა, მანიაკალური და ხშირად არაადეკვატური დამოკიდებულებით საკუთარი გარეგნობის მიმართ (მაგ. ზედმეტად თინეიჯერული ჩაცმულობა ხანდაზმულობისას იმ იმედით, რომ უხდება). ასეთი ხალხის ინფანტილურობა გარშემო მყოფთათვის ხშირად გამაღიზიანებელი და დამღლელია. ხოლო მეორე ტიპი კირჩხიბისა, არის ტიპი, რომელსაც სხვებზე ზრუნვის გარეშე ვერ წარმოუდგენია ცხოვრება. ასეთი ხალხისგან, როგორც წესი, ყველაზე ნამდვილი და "ტკბილი ბებია-ბაბუები" გამოდიან, რომლებიც უზომოდ უყვართ შვილიშვილებს და მათით აღფრთოვანებული არიან გარშემო მყოფები, მაშინაც კი როცა მათ სახეს ნაოჭები თმას კი ჭაღარა ფარავს.

მორიელები რისკის სიყვარულითა და ავანტიურიზმით გამოირჩევიან. ამ ხალხს უყვარს ცეცხლთან თამაში და ხანდაზმულ ასაკამდე არ ქრება მათში საპირისპირო სქესისადმი გაცხოველებული ინტერესი. თუმცა, სტრესისა და ზეემოციური ბუნების გამო, ბევრი მორიელი ვერ აღწევს ღრმა სიბერემდე. სამაგიეროდ, ვინც აღწევს, მათ სიბერეში ფილოსოფიური აზროვნებისკენ უჩნდებათ მიდრეკილება. მორიელების დიდ ნაწილს, საკმარისი ცოდნა და გამოცდილება გააჩნიათ საიმისოდ, რომ ჭკუა დაარიგოს გარშემო მყოფებს. ამასთან ერთად, გარეგნულ სიჯანსაღესა და მოქნილობასაც შესანიშნავად ინარჩუნებენ ზოდიაქოს ამ ნიშნის წარმომადგენლები და ასაკის მატებასთან ერთად, მათი გავლენა გარშემო მყოფებზე არათუ სუსტდება, პირიქით მატულობს.

სათუთი, რბილი და ინტუიციური თევზები სიბერის მოახლოებას გარკვეული, ქვეცნობიერი შიშით ელიან. თუმცა მათ უმრავლესობას ნაკლებად ადარდებს წლების მატების გამო გარეგნული სახეცვლილება, უფრო იმაზე დარდობენ, თუ რამდენი რამის გაკეთებაა კიდევ შესაძლებელი ამ საშინლად მოკლე ცხოვრებაში. საერთოდ თევზებს უყვართ განვლილ დღეებზე ფიქრი, მსუბუქი ნოსტალგია და საღამოები, როცა მეგობრებთან ერთად იხსენებენ ახალგაზრდობას. ამაში ისინი გარკვეულ სიამოვნებასაც კი ხედავენ. თუმცა, რაც უფრო ნაკლებად იდარდებენ ისინი წლების მატებაზე, მით უფრო ნაკლებად დაეტყობათ გავლილი წლების სიმძიმე მათ გარეგნობას.