TOP სამი ყველაზე უბოროტო ზოდიაქოს ნიშანი

ამიტომ შესაძლოა ვიღაცის მიერ ჩადენილმა სიკეთემ ზოგჯერ ბოროტებაც კი დაატრიალოს. თუმცა არსებობენ ადამიანები, რომელთა ბუნებაშიც ჩანასახშივე არ დევს სიბოროტე და ორგულობისკენ მიდრეკილება. ზოდიაქოს მიხედვით ასტროლოგები სამ, ყველაზე უბოროტო ნიშანს გამოყოფენ. ზოდიაქოს ამ სამ ნიშანზე დაბადებული ხალხი უმეტეს შემთხვევაში კეთილი გულით, გულუბრყვილობით და ბავშვური გულწრფელობითაა გამორჩეული. მათ არ ახასიათებთ წყენის გულში ჩადება და ყოველთვის მზად არიან მიუტევონ მტრებს.

ვერძი – ზოდიაქოს პირველი ნიშანია და სიმბოლურად ბავშვურობასა და ინფანტილურობასთან ასოცირდება. ვისაც ამ ადამიანებთან ჰქონია საქმე, დამეთანხმებიან ალბათ, რომ მათ ხასიათში უტაქტობასა და უხეშობასთან ერთად, გასაოცარი მიამიტობა და სიალალეა თავმოყრილი. ვერძების დიდ ნაწილს საერთოდ არ ეხერხება ან ცუდად ეხერხება ტყუილის თქმა. ნებისმიერ შემთხვევაში, თუკი იგი იძულებულია გარემოებებიდან გამომდინარე მოიტყუოს კიდეც, აუცილებლად წამოსცდება მოკლე ხანში ნათქვამის "ორიგინალი ვერსია". იგი ეგოისტია, მაგრამ ამასთანავე გულუხვი და საოცრად გულკეთილი, როცა საქმე დაჩაგრულების მფარველობასა და უსამართლობის წინააღმდეგ ბრძოლას ეხება. ასეთ სიტუაციაში ვერძის პოზიციას ვერანაირი ფინანსებით ვერავინ "იყიდის".

ლომი – ზოდიაქოს ამ ნიშანს ანატომიურად გული შეესაბამება. ამიტომ გასაკვირი არ არის ის ფაქტი, რომ ლომის ერთი შეხედვით ამაყი, გოროზი და თითქოსდა შეუვალი პიროვნების უკან საოცრად ემოციური და განცდიანი ადამიანი იმალება. ლომი გულით იმართება, ამიტომ მისი ყველა საქციელი გულის კარნახს ემორჩილება. ამ ხალხს არ შეუძლია დიდხანს ითამაშოს გულგრილობა, მიუხედავად იმისა, რომ შესანიშნავად ეხერხებათ საზოგადოებაში თავის დაჭერა, გვერდს არასოდეს აუვლიან მათ, ვისაც მათი დახმარება და თანადგომა რეალურად ესაჭიროება. ლომი აღმერთებს სუსტების მფარველობას, ამიტომ მისი იმედი ნებისმიერს შეიძლება ჰქონდეს, ვინც მის გულამდე მიაღწევს გულწრფელი თხოვნითა და ღირსების შეგრძნებით. ლომები ვერ იტანენ მეწვრილმანე, ჭორიკანა და ფლიდ ხალხს.

ამიტომ თუკი მასთან ურთიერთობისას ორმაგი სტანდარტებით იხელმძღვანელებთ, იცოდეთ, რომ ლომის სახით სამომავლოდ სერიოზულ მტერს შეიძენთ.

მერწყული – ერთი შეხედვით გულგრილი, ინდიფერენტული და ექსცენტრიკული ადამიანის შთაბეჭდილებას ტოვებს. შესაძლოა გეგონოთ კიდეც, რომ მას სათუთი ემოციები ხანდახან სასაცილოდაც კი ეჩვენება. თუმცა არამც და არამც არ გახლავთ ასე. მერწყულის შესახებ თქვენი მოსაზრება ძალიან მალე შეიცვლება, თუკი საშუალება გაქვთ ეს ადამიანი მაღალ პოსტზე ან რაიმე ტიპის სოციალური საკითხის მოგვარებისას იხილოთ. ზოდიაქოს ამ ნიშნის სიმბოლო ამაოდ როდი "არწყულებს" კაცობრიობას. მერწყულის ჰუმანურობაც სწორედ აქედან მოდის, იგი ყოველთვის მზადაა საკუთარი პირადი ინტერესებიც კი დადოს სასწორზე, კაცობრიობის, სოციუმის დასახმარებლად. მართალია, ურანული სიცივე არ აძლევს ნებას გადამეტებული სენტიმენტებით ან ენის მოჩლექით გამოხატოს ადამიანებისადმი საკუთარი სიყვარული, მაგრამ გწამდეთ მის კაცთმოყვარე გულში ნებისმიერისთვის მოიძებნება ადგილი.