ვერძის ოთხი ტიპი - ნაწილი მეოთხე

დეკადების მიხედვით ვისაუბრებთ მათზე. ვერძის ზოდიაქო ოთხ დეკადას მოიცავს, რომელიც თავის თავში ოთხ კვირას – "აღორძინების კვირას", "ცნობისმოყვარეობის კვირას", "წარმატების კვირასა" და "სრულყოფილების კვირას" – აერთიანებს. აქედან გამომდინარე, თითოეულ კვირაში დაბადებული ადამიანები, სხვადასხვა სახასიათო შტრიხებითა და ფსიქოლოგიური მახასიათებლებით გამოირჩევიან ერთმანეთისგან.

11-19 აპრილი

სრულყოფილების კვირაში დაბადებული ადამიანები, როგორც წესი, ბუნებით ფილანტროპები და მეცენატები არიან. მათი ცხოვრების მთავარი აზრი, სხვების დახმარებაში მდგომარეობს, ამიტომ ამ ადამიანებს არცთუ იშვიათად შეხვდებით სოციალურ სამსხურში, პოლიტიკურ სარბიელზე ან ფსიქოლოგთა რიგებში. მიუხედავად იმისა, რომ ზოგადად ვერძები ეგოისტური ბუნებით გამოირჩევიან, ზოდიაქოს ამ ნიშნის ბოლო დეკადების წარმომადგენლები, დანარჩენებს შორის ეგოიზმის ყველაზე მცირე დოზას ფლობენ საკუთარ ხასიათში. აქედან გამომდინარე, თუკი მათი ცეცხლოვანი ენერგია სწორი მიმართულებით მიედინება, ამ ადამიანებს ძალზე დიდი სარგებლობის მოტანა შეუძლიათ საზოგადოებისთვის.