ზოდიაქოს ნიშანი და ოკულტური შესაძლებლობები

ალბათ ბევრ თქვენგანს უნდა იმის გარკვევა, თუ რა დოზითაა მასში ოკულტური შესაძლებლობები. მართალია, დეტალურად ამის დადგენა მხოლოდ ინდივიდუალური რუკის შედგენის საფუძველზეა შესაძლებელი, თუმცა თუ მაინც თვლით, რომ თქვენში ეს შესაძლებლობები არის, გადახედეთ ქვემოთ მოყვანილ სიას და გაარკვიეთ, თუ რა სახით და როგორ მოქმედებს თქვენზე ეზოთერული ცოდნა და როგორ უნდა გამოიყენოთ ის.

ყველაზე "ნიჭიერი" ამ სფეროში რაღა თქმა უნდა მერწყულია . ზოგადად ასტროლოგიასაც "მერწყულის პროფესიას" უწოდებენ თავად ასტროლოგები. ნებისმიერ მერწყულს გააჩნია კარგი ინტუიცია. თუმცა, თუ იგი მას სწორად განავითარებს მისგან შეიძლება შესანიშნავი "მაგი-ექსპერიმენტატორი"დადგეს. მერწყულს შეუძლია თავად გამოიგონოს და პრაქტიკაში დანერგოს მკითხაობის და მომავლის ხედვის ახალი მეთოდები. მას აქვს ასევე უნარი საკუთარი ცოდნა სხვებსაც გაუზიაროს. რაც არის კიდეც თავად მერწყულის სიმბოლოს ზუსტი იდენტიფიკაცია. იგი ხომ კაცობრიობას "არწყულებს" – ცოდნას უზიარებს. მერწყულის ნიჭი გაქრება ან შესუსტდება, თუკი იგი ადამიანების გადარჩევას დაიწყებს. მან ცოდნა ყველას უნდა გაუზიაროს!

ეზოთერული ნიჭით მეორე ადგილზე თევზები დგანან. ზოგადად, თევზები უნიკალური ნიშანია, იმიტომ რომ, იგი თავის თავში აერთიანებს ზოდიაქოს დანარჩენი 11 ნიშნის თვისებების მთელ სპექტრს. ამასთან ერთად მას გააჩნია ღრმა სულიერი სამყარო, ძლიერი ფსიქოლოგიური ველი და გარდასახვის ნიჭი. თევზებისგან საუკეთესო მედიუმები და წინასწარმეტყველები დგებიან. თუმცა, მაგიის მიმდევართა შორის მათ იშვიათად ვხვდებით.

თევზების ნიჭი გაქრება ან შესუსტდება თუკი იგი წარსულზე მოახდენს გადამეტებულ კონცენტრაციას.

მესამე საპატიო ადგილს სიაში ვერძის ზოდიაქოს ნიშნით დაბდებულები იკავებენ. ვერძს გასაოცარი უნარი გააჩნია ნებისმიერი სახის მაგია და ეზოთერული ცოდნა პრაქტიკაში წარმატებით გამოიყენოს. თუმცა ყველაზე ხშირად ამ ადამიანებს შორის ექსტრასენსები და მკურნალები გვხვდებიან. ბევრი ვერძი დაჯილდოებულია ნიჭით დადებითად "დამუხტოს" ადამიანების ფსიქიკა. გარდა ამისა, მათ ხშირად გააჩნიათ უნარი "წაიკითხონ" დაფარული ინფორმაცია ფოტოგრაფიის ან პირადი ნივთების საშუალებით.

ვერძის ნიჭი გაქრება ან შესუსტდება თუკი იგი არ გაითვალისწინებს საკუთარი ქმედებისას მოსალოდნელ შედეგებს. მან არ უნდა დააზიანოს ადამიანები.

მეოთხე ადგილზე პარანორმალური მონაცემებით დაჯიდლოვებულთა შორის კუროები არიან. კურო ფულის სახლის გამგებელია, ამიტომ ასეთ ადამიანებს ძალიან კარგად ეხერხებათ ბარაქაზე შელოცვა. ან სხვადასხვა სახის ამულეტების დამზადება, რაც კარიერულ ან ფინანსურ წინსვლას უწყობს ხელს. თუმცა კუროს ამგვარი რიტუალების ჩასატარებლად დრო და მაქსიმალური კონცენტრაცია ესაჭიროება.

კუროს ნიჭი გაქრება ან შესუსტდება თუკი იგი საკუთარი ქმედებისას არ იქნება გაბედული და შეეცდება სწრაფად მიაღწიოს სასურველ შედეგს.

მოგეხსენებათ ტყუპი "მოლაპარაკე" ნიშანია, ამიტომ ზოდიაქოს ამ ნიშნით დაბადებულებს შორის ყველაზე მეტი "ვერბალური მაგი" გვხვდება. ტყუპს აქვს უნარი, საკუთარი საუბრით მოახდინოს გავლენა ადამიანის ფსიქიკაზე, არამხოლოდ პირადი კონტაქტისას, ინტერნეტით ან ტელეფონით საუბრის შემთხვევაშიც კი.

ტყუპის ნიჭი გაქრება ან შესუსტდება თუკი იგი დიდხანს იქნება ინფორმაციულ ვაკუუმში და ნაკლებად იკონტაქტებს ადამიანებთან. მას ხალხთან ურთიერთობა, ახალი ენერგიით დასამუხტად სჭირდება.

კირჩხიბი წყლის სტიქიის წარმომადგენელია, წყალი კი მოგეხსენებათ ერთ-ერთი საუკეთესო "გამტარია" პარაფსიქოლოგიური კავშირისას. თუმცა კირჩხიბებს შორის უმეტესად მკითხავებს ვხდებით. ძალიან ბევრი კიბო ტაროს კარტის უბადლო ოსტატია. იშვიათად ინტერესდებიან ისინი, მაგიის სახეობებით.

კირჩხიბის ნიჭი გაქრება ან შესუსტდება, თუკი ამ უკანასკნელის შესაძლებლობებს ცინიკურად აკრიტიკებენ ან აბუჩად იგდებენ მის ცოდნას.

ლომებს , როგორც წესი, მაგიისკენ აქვთ მიდრეკილება. თუმცა, რაკიღა ზოდიაქოს ეს ნიშანი გულით იმართება, ძირითადად ლომებს შორის ისეთ ხალხს ვხვდებით ვინც "სასიყვარულო მაგიის" ოსტატია. ბევრი ლომი წარმატებით ახერხებს საკუთარი პარაფსიქოლოგიური ნიჭის გამოყენებას კარიერული ზრდის ან ძალაუფლების ხელში ჩაგდების სურვილით შეპყრობილი ადამიანებისთვის.

ლომის ნიჭი გაქრება ან შესუსტდება, თუკი მას ქება ამპარტავნობის გრძნობას გაუძლიერებს და თავს ყოვლისშემძლედ ჩათვლის.

ქალწულებს

შორის ძირითადად მკითხავებსა და წინასწარმეტყველებს ვხვდებით. ტაროს კარტი, რუნები აი ეს არის სფერო, რომელშიც ქალწულს ვერავინ გაეჯიბრება. არანაკლები ოსტატობით ადგენენ ქალწულები სხვადასხვა სახის ასტროლოგიურ პროგნოზებს, ეს იმიტომ რომ თანდაყოლილი ანალიტიკური აზროვნება ეხმარება მათ იმაში, რომ ოსტატურად დააკავშირონ სხვადასხვა სახის ინფორმაცია ერთმანეთთან და ზუსტად გათვალონ ამა თუ იმ მოვლენის ალბათობა მომავალში.

ქალწულის ნიჭი გაქრება ან შესუსტდება, თუკი მას ზედმეტად აქებენ გარშემო მყოფები.

სასწორებს

შორის ძალიან ბევრი ე.წ. "მეტეო-მაგი" გვხვდება. ოდითგანვე სასწორებს გააჩნდათ ძალა, ზეგავლენა მოეხდინათ ბუნების მოვლენებზე. გამოეწვიათ წვიმა, ქარი, წყალდიდობა ან ქარიშხალი. ძალიან ბევრ სასწორს გააჩნია უნარი, იმოქმედოს გარემოზე. დაიჭიროს სოციუმის ენერგეტიკა. გარდა ამისა, ეს ადამიანები ოსტატურად ამზადებენ სხვადასხვა სახის ამულეტებსა და თილისმებს.

სასწორის ნიჭი გაქრება ან შესუსტდება, თუკი იგი არ შეეცდება ადამიანებს ნეგატიური ინფორმაცია დელიკატურად და რბილად მიაწოდოს.

მორიელების უმრავლესობას დაბადებიდან მაგნიტივით იზიდავს ყოველივე ამოუცნობი და იდუმალი. თუმცა, ტიპური მორიელი მარტოოდენ უწყინარი მკითხაობით არასოდეს დაკმაყოფილდება. ამიტომაც ვხვდებით ზოდიაქოს ამ ნიშნის წარმომადგენლებს შორის უძლიერეს მაგებს და ექსტრასენსებს. მორიელს კარგად ეხერხება ე.წ. "დაცვითი რიტუალების" შესრულება, – სახლის, ოჯახური კერის, ურთიერთობების დაცვა.

მორიელის ნიჭი გაქრება ან შესუსტდება თუ იგი ნეგატიური კუთხით გამოიყენებს მას ადამიანების გასანადგურებლად.

მშვილდოსნებს შორის ყველაზე ცოტა ადამიანი გვხვდება ვისაც ექსტრასენსორული შესაძლებლობების სიმკვეთრე გააჩნია. თუმცა, თუ მაინც გვხვდებიან მათ რიცხვში ასეთები, უმეტესად ეს არის ხალხი რომელთაც სხვადასხვა სახის დაავადების ხედვისა და დიაგნოსტიკის ნიჭი გააჩნიათ. ბევრ მშვილდოსანს აქვს ე.წ. "რენტგენული ხედვის" უნარი, რაც ეხმარება ზოდიაქოს ამ ნიშნით დაბადებულებს იმაში, რომ სწორი დიაგნოზი დასვან.

თუმცა, მშვილდოსნის ნიჭი გაქრება ან შესუსტდება თუკი იგი ავადმყოფების მკურნალობასაც თავად მოჰკიდებს ხელს. სხვისი სენი, შესაძლოა მის ბიოველზე დამანგრევლად აისახოს.

თხის რქებს შორის ყველაზე ხშირად ასტროლოგები გვხვდებიან. თუმცა, მათი დიდი ნაწილი ინტერესს ამჟღავნებს ისეთი სფეროებისკენ როგორიცაა ბიოენერგეტიკით მკურნალობა, ექსტრასენსორული მასაჟი და ა.შ. ასევე მიდრეკილება აქვთ მკითხაობისკენ. უმეტესად ეს ეხება ალზე მკითხაობის სხვადასხვა მეთოდს.

თხის რქის ნიჭი შესუსტდება ან გაქრება თუკი იგი სატურნულ დეპრესიას მისცემს გასაქანს საკუთარ ხასიათში.