ზოდიაქოს ნიშნები, რომლებიც გვიან ასაკში პოულობენ ბედნიერებას და მდიდრდებიან
სხვადასხვა პერიოდში, სხვადასხვა სფეროში უმართლებს ხოლმე. ზოგი ადრეულა ასაკში ქორწინდება, ზოგიერთი კი საკმაოდ გვიან პოულობს ცხოვრების მეგზურს. იგივეა კარიერაშიც. ვიღაცას შესაძლოა საერთოდაც გაუქრეს კარიერული ამბიციები, როცა ოჯახის ტვირთს წამოიკიდებს ზურგზე. ასტროლოგები თვლიან, რომ არსებობენ განსაკუთრებული პრინციპულობით დაჯილდოებული ზოდიაქოს ნიშნები. ის ხალხი, ვინც მუხლჩაუხრელად შრომობს და იშვიათად ამბობს იმედის გაცრუების შემთხვევაში საკუთარი ოცნებების ასრულებაზე უარს. ზუსტად მათ აჯილდოებს კოსმოსი ცხოვრების მეორე ნახევარში სტაბილურობით როგორც პირად ცხოვრებაში, ისე პროფესიონალურ სფეროში.
კურო - მშრომელი, ფრთხილი, წინდახედული ადამიანია. არ უყვარს არარეალური მიზნების დასახვა და ყოველთვის რეალისტურად უყურებს ცხოვრებას. თუ რამე უნდა ჯიუტად ცდილობს მიაღწიოს დასახულს. კურო ნაბიჯ-ნაბიჯ იშენებს საკუთარ კარიერას, მას არ ეჩქარება შედეგების მიღება. კმაყოფილია იმით, რაც აქვს და შრომობს საიმისოდ, რომ მომავალში მისი მატერიალური მდგომარეობა გაცილებით უკეთესი იყოს. სიყვარულშიც მოთმინება ახასიათებს. თუმცა, ძალიან რომანტიკული და მოსიყვარულეა. მაგრამ შეუძლია ლოდინი შესაფერისი პარტნიორის საპოვნელად. იმიტომ რომ, მისთვის სულერთი არ არის ვის დაუკავშირებს საბოლოოდ ცხოვრებას. მოკლევადიანი რომანები კუროს სტილი არაა.
კირჩხიბი - ინტუიციური, ემოციური და გამჭრიახი ადამიანია. ბავშვობის ასაკში და ახალგაზრდობაში, მიზნების მიღწევაში ხელს სიმორცხვე და შინაგანი კომპლექსები უშლის. სამაგიეროდ, წლების მატებასთან ერთად სიბრძნე ემატება და მისი თვითშეფასებაც იმატებს. კირჩხიბი არასოდეს თაკილობს შრომას. მას კარგი ალღო აქვს და ფულის შოვნის გზებსაც პოულობს ხოლმე. დიდი პატივისცემით ეპყრობა ოჯახს, განსაკუთრებით დედას. ამიტომ ხშირად ისე ხდება, რომ გვიან ასაკში ქორწინდება, ისეთ ადამიანზე, რომელიც მის ოჯახსაც მოეწონება და მისაღები იქნება. იგი დიდხანს წონის ხოლმე, სანამ მიიღებს რაიმე გადაწყვეტილებას. სამაგიეროდ, უაზრო რისკი არ ჩვევია და ყოველთვის ახერხებს, დასახულ მიზანს სრულყოფილად მიაღწიოს.
თხის რქა - ჯიუტი, ამბიციური და საოცრად ამტანი ადამიანია. თხის რქა პატარა ასაკიდანვე მიჩვეულია პასუხისმგებლობებს. ამ ადამიანს უბრალოდ არ შეუძლია პასუხისმგებლობისა და დისციპლინის გარეშე. მისი სიყვარული და ერთგულება ოჯახის წევრების მიმართ უსაზღვროა. არანაკლებ თუ მეტად არა ერთგულია იგი საკუთარი საქმის და პრინციპების. ხშირად ცხოვრების პირველ ნახევარს და ახალგაზრდობას თხის რქა კარირეულ საქმიანობას უთმობს. იგი მუყაითი მშრომელია და აქვს უნარი, მოთმინებით ელოდოს საჭირო მომენტს კარიერაში ნახტომის გასაკეთებლად. ამიტომ როგორც წესი, ცხოვრებაში ყველაფერს დამსახურებულად იღებს. თანაც იმას ასაკში, როცა უკვე სოლიდურად გამოიყურება და ბრძენია. ოჯახს გვიან ეკიდება. ზოგჯერ პრაგმატულად იღებს გადაწყვეტილებას. სამაგიეროდ, ყოველთვის სტაბილური და კარგი მეუღლეა.