ზოდიაქოს ნიშნები, რომლებმაც უკან დახევა არ იციან
მოდის კომპრომისზე ურთიერთობაში, ვიღაც ვერა და ვერ აბიჯებს საკუთარ სიამაყეს. ასტროლოგები თვლიან, რომ არსებობენ განსაკუთრებით ამაყი და თავმოყვარე ნიშნები, რომელთაც პირად ურთიერთობაში არაფრის დიდებით არ სურთ ხოლმე შემხვედრი ნაბიჯების გადმოდგმა კონფლიქტის არსებობის შემთხვევაში. ისინი უბრალოდ და მარტივად, სამუდამოდ მიდიან ჩვენი ცხოვრებიდან. ასეთი ნიშანი კი სულ სამია, ამიტომ მათ გაბრაზებას მაქსიმალურად უნდა მოერიდოთ.
კურო - კურო მიწის ნიშანია. ამიტომ ურთიერთობაში დიდ მნიშვნელობას ანიჭებს სტაბილურობას. მას მოსწონს მშვიდი ურთიერთობები. იგი არ არის კონფლიქტური და ვერ იტანს სიტუაციის დაძაბვას. კურო ემოციური ნიშანია. ამიტომ ემოციურ ტკივილს, რომელსაც მას საყვარელ ადამიანთან კონფლიქტი აყენებს დიდხანს ვერ ივიწყებს. შესაბამისად, საიმისოდ, რომ გული არ ეტკინოს, იგი უკანმოუხედავდ წყვეტს ხოლმე ურთიერთობას ადამიანთან, ვინც გამიზნულად ცდილობს ისარგებლოს მისი მოთმინებით ან სიმშვიდით.
ლომი - ამაყი, თავმოყვარე, თუმცა საოცრად დიდსულოვანი ნიშანია. ლომებმა სიყვარული მთელი არსებით და გულით იციან. ისინი საკუთარ თავს მთლიანად უძღვნიან საყვარელ ადამიანებს. თუმცა, იმ შემთხვევაში, თუ მათი გულწრფელობა არ დააფასეს ან ბოროტად გამოიყენეს, ლომი აუცილებლად მიატოვებს უმადურს. თანაც ისე, რომ მასთან ურთიერთობას არასოდეს დაუბრუნდება.
მერწყული - მერწყული ფიქსირებული ნიშანია. ამიტომ ერთი შეხედვით თითქოს ცვალებადი და კონტაქტური ჩანს, მაგრამ შინაგანად საოცრად ჯიუტი და პრინციპული ადამიანია. მერწყულის სიყვარული მეგობრობით იწყება. იგი პატივს სცემს ადამიანებს და არასოდეს იბრძვის საკუთარი სიმართლის დასამტკიცებლად. თუ ისე მოხდა, რომ მისი არ გესმით, ბევრს მოგითმენთ. მაგრამ საბოლოოდ უკანმოუხედავად დასვამს წერტილს, თუკი მიხვდა, რომ არ შეგწევთ ძალა მისი პოზიციის გასაგებად. ამასთან ერთად, მან შესაძლოა ძველებურად იმეგობროს თქვენთან, მაგრამ როგორც შეყვარებული არასოდეს დაგიბრუნდებათ.