ზოდიაქოს ნიშნების ჰობი და აბსტრაქცია

კირჩხიბი

წყლის პირველი ნიშნის უმთავრესი საზრუნავი საცხოვრებელი სახლის კეთილმოწყობაა. ქოთნის ყვავილები, ქარგვა, კულინარია – მისი საყვარელი სფეროებია. ხოლო თუ კირჩხიბს აგარაკიც აქვს, იგი უსაქმუროდ ერთ წუთსაც არ გაჩერდება. მუდამ ეცდება სახლი მყუდრო სავანედ აქციოს. თუ კირჩხიბს სახლში ვერ იპოვით, მოძებნეთ იგი აუზზე, წყაროზე ან დელფინარიუმში.

ლომი

ლომი შემოქმედი ნიშანია და უქმეებსაც ძირითადად ამ სფეროს უთმობს. უყვარს ფოტოების გადაღება, ხატვა, სიმღერა. ზოგიერთი შეიძლება საიუველირო საქმემაც გაიტაცოს. ლომი ხშირად ისეთ პროფესიას ეუფლება, სადაც ხშირად დააფასებენ, შეაქებენ. მათ სიამოვნებას ანიჭებს გარშემო მყოფებზე გავლენის მოხდება.

ქალწული

ქალწული განსხვავებულ სფეროებშია – მუსიკა, ლიტერატურა, ხელსაქმე – ნიჭიერი. გარშემო მყოფები გაოცებულნი არიან; ყველაფერი, რასაც ხელს მოჰკიდებს, პროფესიონალივით გამოსდის. ქალწულს მოსწონს სწავლის, მუშაობის პროცესი. იგი აფასებს კარგ ლიტერატურას. შინ კარგი ბიბლიოთეკა აქვს და მუდამ ცდილობს მის შევსებას. ამასთანავე, სტუმართმოყვარეა. სტუმარს მშიერს არასდროს გაუშვებს. გემრიელად, თანაც საკუთარი რეცეპტით მომზადებული კერძით გაუმასპინძლდება.