ზოდიაქოს რომელი ნიშნით დაბადებულ ადამიანს აქვს შანსი, რომ დაგეხმაროთ გამდიდრებაში
"ადამიანი, ადამიანის კიბეაო". ხშირად მართლაც ისე ხდება, რომ კონკრეტული ადამიანები, ჩვენს ცხოვრებაში კონკრეტულ როლს - დადებითს ან უარყოფითს თამაშობენ ხოლმე. ასე მაგალითად, ერთს თუ ჩვენი ფინანსურ პრობლემებში ჩათრევა ძალუძს, მეორემ შესაძლებელია გამდიდრების გზები გვაპოვნინოს და ეს სულაც არ გახლავთ ფანტაზიის სფერო. ასტროლოგია იძლევა იმის საშუალებას ზუსტად განვსაზღვროთ პოტენციალი ანუ რომელი ნიშნით დაბადებული ადამიანი რაში დაგვეხმარება.
მაშ ასე, თუკი ბიზნესის წამოწყებას გეგმავთ ან კერძო საქმიანობით ხართ დაკავებული ეძებეთ ადამიანები, რომელთა ზოდიაქოც თქვენგან (ანუ თქვენი ნიშნის ჩათვლით) მეორე ან მერვე ზოდიაქოს ნიშანს ემთხვევა. მაგალითად, თუ თქვენ ვერძი ხართ, ჩანაფიქრის განხორციელებასა და გამდიდრებაში კუროსა და მორიელის ნიშნით დაბადებულები გამოგადგებიან. თუკი მერწყულია თქვენი ზოდიაქოს ნიშანი - თევზებსა და ქალწულს გირჩევთ ბიზნესპარტნიორად, ხოლო იმ შემთხვევაში თუ კირჩხიბია თქვენი ზოდიაქოს ნიშანი - ლომს ან მერწყულს.
თუკი საიმედო ხელქვეითი ან კარგი დაქვემდებარებული გესაჭიროებათ მნიშვნელოვანი სამუშაოს შესასრულებლად, ამგვარი საქმე თქვენგან მეექვსე ნიშნით დაბადებულ ადამიანს აჯობებს რომ მიანდოთ. მაგალითად თუ თქვენი ზოდიაქოს ნიშანი მორიელია ვერძი იქნება საუკეთესო და თავდაუზოგავი თანაშემწე თქვენთვის.