ზოდიაქოს სამი ყველაზე დახვეწილი ნიშანი
არამხოლოდ ადამიანის სახასიათო თავისებურებებზე ვრცელდება, პლანეტების განლაგება ჩვენს ვიზუალურ იმიჯზეც აისახება. აქედან გამომდინარე, ზოდიაქოს სხვადასხვა ნიშნით დაბადებულ ადამიანებს განსხვავებული ვიზუალი, გემოვნება და თვითგამოხატვის ფორმა გააჩნიათ, თუნდაც ჩაცმა-დახურვის კუთხით. დღევანდელი ასტროლოგიური სტატისტიკა ზოდიაქოს ყველაზე დახვეწილი, გემოვნებიანი და საკუთარ გარეგნობაზე მზრუნველი ნიშნების შესახებ იქნება.
ვერძი - ასტროლოგები ამბობენ, რომ ვერძი თავით იმართება. ამიტომ ძვირფას ვერძებს ამქვეყნად ყველაზე მეტად დიახაც, რომ საკუთარი თავი უყვართ. ოღონდ საკუთარი თავი ამ ფრაზის პირდაპირი გაგებით - ალბათ ვერსად იპოვნით ვერძის ნიშნით დაბადებულ ადამიანს, საკუთარი ვარცხნილობით რომ არ იყოს მუდმივად დაკავებული. ვერძისთვის ის თუ როგორ გამოიყურება ვიზუალურად, ძალზე მნიშვნელოვანი თემაა. ეს ადამიანები არ ერიდებიან ნოვატორულ მეთოდებს ახალგაზრდობისა და სილამაზის შესანარჩუნებლად. ასეთივე სითამამით იმოსებიან და ატარებენ ორიგინალურ აქსესუარებს.
სასწორი - შეიძლება თამამად ითქვას, რომ ჩაცმა-დახურვაზე გადამკვდარი ზოდიაქოს ნიშანია. სასწორი და შოპინგი განუყოფელი თემაა. ზოდიაქოს ამ ნიშნით დაბადებულები აღმერთებენ ლამაზ აქსესუარებს, ფერად სამოსს, ძვირფას სუნამოსა და კოსმეტიკას. სასწორი ზომიერების სიმბოლო ნიშანია, ამიტომ იშვიათად ნახავთ ამ ადამიანებს შორის გამომწვევად ჩაცმულ ან მკვეთრი კოსმეტიკით აჭრელებულ ინდივიდებს. მათი უმეტესობა ამჯობინებს ჰქონდეს დახვეწილი, სხვებისგან გამორჩეული თუმც კი არათვალშისაცემი იმიჯი.
ქალწული - თუკი თქვენ ხარისხს ეძებთ და არა რაოდენობას, რჩევა ქალწულს უნდა ჰკითხოთ. ზოდიაქოს ამ ნიშნით დაბადებულები გასაოცარი დაკვირვებულობით გამოირჩევიან. ამიტომ ყოველთვის ხარისხიანი სამოსით იმოსებიან. უვლიან საკუთარ თავსა და ჯანმრთელობას. არსებობს გამოთქმა "კარგად შენახული" - ზუსტად რომ ქალწულის ნიშნით დაბადებულებზეა ზედგამოჭრილი. ქალწულების უმეტესობა მაქსიმალურად უვლის თავს, როგორც პირდაპირი, ისე გადატანითი მნიშვნელობით. ისინი ყოველთვის სწორად იკვებებიან, მისდევენ ცხოვრების ჯანსაღ წესს და იშვიათად აქვთ რაიმე ტიპის მავნე ჩვევა. შესაბამისად, ყოველთვის იდეალურად გამოიყურებიან და მათი იმიჯიც საოცრად დახვეწილია.