ზოდიაქოს ნიშანი და ეჭვიანობა - თხის რქა

, განსაკუთრებული ეჭვიანობით ცეცხლის სტიქიის წარმომადგენლები: ვერძები ლომები და მშვილდოსნები გამოირჩევიან. მათ მხარს ღირსეულად უბამს (მომენტებში უსწრებს კიდეც) მარსიანულ-პლუტონიანური ენერგეტიკით დამუხტული მორიელი , რომელიც ზოდიაქოს ნიშნებს შორის შეიძლება ითქვას, ყველაზე დიდი მესაკუთრეა. თუმცა, მოდით მივყვეთ რიგითობით.

თხის რქა

თხის რქისთვის, ისევე როგორც ნებისმიერი მიწის სტიქიის წარმომადგენლისთვის ამ ქვეყნად სტაბილურობა და სიმშვიდეა მთავარი. თუმცა ხშირად სურვილი ირგვლივ სტაბილური გარემო შექმნას, ბევრ თხის რქას აიძულებს დიქტატორული სიზუსტით აკონტროლოს უახლოესი გარემოცვა, მათ შორის საყვარელი ადამიანიც. ამის მიზეზი თხისრქული პედანტიზმია, მას სურს წინასწარ გათვალოს და აღკვეთოს ნებისმიერი სახის მოსალოდნელი გართულება პირად ცხოვრებაში, ისე რომ ამ უკანასკნელმა ვერანაირი გავლენა ვერ იქონიოს მისი ოჯახის უსაფრთხოებაზე. თუმცა, თუ მაინც ისე ხდება, რომ თხის რქა მართვის სადავეებს კარგავს და ვერ ახერხებს სიტუაციაზე კონტროლის შენარჩუნებას, იგი ბუზღუნა და ეჭვიანი ხდება. ამასთან ერთად, ხშირად მიდის სხვადასხვა სახის მაქინაციზეც საიმისოდ, რომ დაფარული ინფორმაცია მოიპოვოს და პარტნიორი ტყუილზე გადაამოწმოს. თხის რქის ეჭვიანობა იწყება კონტროლოს სადავეების დაკარგვით და მოახლოვებული დანაკარგის შიშის გამო.