ზოდიაქოს რომელი ნიშნით დაბადებული ადამიანები შორდებიან ყველაზე ხშირად

ჰარმონიული თანაცხოვრების შანსებს, დიდწილად განაპირობებს თავად მათი დამოკიდებულება ერთმანეთის მიმართ, მოთმინებისა და კომპრომისის უნარი. იმიტომ რომ, სიყვარული როგორც ასეთი, ურთიერთობის საწყის ეტაპზე ახერხებს თვითაალებას, შემდგომ ამისა კი ნაკვერჩხლად და ბოლოს ნაცრად რომ არ იქცეს, მას გამუდმებით ესაჭიროება ორივე მხარის მიერ საწვავის გეგმაზომიერი დამატება. თუმცა, მიუხედავად ამისა, ზოგიერთი წყვილის შემთხვევაში ურთიერთობას მაინც არაფერი შველის და საბოლოოდ მივდივართ მტკივნეულ განქორწინებამდე... რა არის მიზეზი და კონკრეტულად რომელიც ნიშნით დაბადებული ადამიანები ვერ ახერხებენ ერთ ჭერქვეშ ხანგრძლივად თანაცხოვრებას, ამ თემის ირგვლივ არაერთი ასტროლოგი ცდილობს აწარმოოს დაკვირვება. არსებობენ ნიშნები, რომელთაც აბსოლუტურად განსხვავებული მსოფლმხეველობა და სამყაროს აღქმა გააჩნიათ...

ლომი და მორიელი

- ამ ადამიანებს შორის შუღლი ძალაუფლების გამო ჩაღდება. ორივე მხარეს სურს აკონტროლოს სიტუაცია ოჯახში. ქორწინებით კი ძირითადად უძლიერესი სექსუალური მიზიდულობის გამო ქორწინდებიან.

ვერძი და მორიელი - ამ წყვილში კონფლიქტის მიზეზია ეჭვიანობა. მორიელის დიქტატორული ხასიათი, წინააღმდეგობაში მოდის ვერძის თავისუფლებისმოყვარე ბუნებასთან. სექსუალური მიზიდულობა ამ წყვილშიც დიდია, თუმცა ქორწინების ალბათობაზე მორიელის სიმპათიაც მოქმედებს ვერძის მიმართ, მას ხიბლავს ვერძის სიალალე, იმედოვნებს რა, რომ სამომავლოდაც შესძლებს მის გაკონტროლებას.

თხის რქა და სასწორი - ბუნებით რომანტიკული და რბილი სასწორი, ძნელად უწყობს ფეხს ზედმეტად მკაცრ, ემოციურად ცივ და მოზომილ თხის რქას. ამ ორს შორისაც ძლიერია ფიზიკური სიმპათიის კოეფიციენტი, თუმცა რეალურად მათი კავშირი თუნდაც სექსუალური კუთხით ვერასოდეს "გაქაჩავს" დიდხანს იმ უბრალო მიზეზის გამო, რომ წყვილს ტემპერამენტის მხრივაც აღენიშნება სხვაობა.

მერწყული და კირჩხიბი - ამ ორ ადამიანს შორის, პრობლემა სიყვარულის და ზოგადად პარტნიორული ურთიერთობების აბსოლუტურად განსხვავებულად აღქმის უნარია. მერწყულს თავდაპირველად კირჩხიბში იდუმალება იზიდავს. თვლის, რომ მისი ჩაკეტილობა ნიღაბია მხოლოდ ან თამაშის წესი; მაშინ როცა კირჩხიბი სამომავლოდ ძალიან იტანჯება მერწყულის წრეგადასული თავისუფლების მოთხოვნილებით. მათ შორის მუდამ იქნება დავა და სცენები ეჭვიანობის გამო.