ავტორი:

ოქტომბრის ასტროლოგიური პროგნოზი მორიელებისთვის - "სიურპრიზებითა და პოზიტიური ცვლილებებით დატვირთული თვე გელით"

ოქტომბრის ასტროლოგიური პროგნოზი მორიელებისთვის - "სიურპრიზებითა და პოზიტიური ცვლილებებით დატვირთული თვე გელით"

მოგეჩვენებათ, რომ გარშემო მყოფები გზღუდავენ, მოშურნეები გამოგიჩნდნენ და ზოგ სიტუაციაში შეიძლება შიშებმაც კი შეგიპყრონ. ნუ ეცდებით, ყველა საქმის ერთდროულად შესრულებას, რთული მიზნების დასახვას. ყოველდღიური, აუცილებელი საქმეებით შემოიფარგლეთ. ჩამოყალიბდით საკუთარ სურვილებსა და მოსაზრებებში. რაც უფრო კონკრეტული სამოქმედო გეგმა გექნებათ, მით უკეთესია თქვენთვის. მოერიდეთ კონფლიქტების გამწვავებას, მოერიდეთ თქვენ მიმართ უარყოფითად განწყობილ ადამიანებთან კონტაქტს.

სწავლა, ბიზნესი, კონტაქტები

"სწავლა, სწავლა და კვლავ სწავლა" - ოქტომბრის თვის დევიზად უნდა გაიხადოთ. შეიძლება მოგინდეთ ცოდნის გაღრმავება ან სრულიად ახალის შესწავლა. სასურველია, ყველა მნიშვნელოვანი გადაწყვეტილება თვის დასაწყისში მიიღოთ. ყურადღება გმართებთ ახალი ინფორმაციებისდამი. არავის ენდოთ სიტყვაზე, გადაამოწმეთ ყველა ნიუანსი. თვის მეორე ნახევარში მოერიდეთ უსიამოვნებას საქმიან პარტნიორებთან. განსაკუთრებით, ახლებთან. ახალი საქმიანი შემოთავაზებები დიდი დაკვირვებით განიხილეთ.

ფული და სიყვარული

მეტად უნდა გამოხვიდეთ სოციუმში, გააქტიურდეთ სოციალურ ქსელებში. ხშირად შეხვდით მეგობრებს, თანამოაზრეებს. მარტოხელებმა შეიძლება აღმოაჩინოთ, რომ მეგობრებში გყავთ ადამიანი, რომელიც შეიძლება თქვენი სასიყვარულო პარტნიორი გახდეს. ან შეიძლება რომანი გააბათ ადამიანთან, რომელთანაც საერთო საქმიანობა გაკავშირებთ. გაგიუმჯობესდებათ დამოკიდებულება ადამიანთან, რომელზეც თქვენი კარიერული ზრდა, საქმეების მოგვარებაა დაკავშირებული. ზოგიერთი გადაწყვეტს დაქორწინებას და საყვარელ ადამიანთან ერთად თანაცხოვრებას. შეყვარებულები კი, ისინიც, ვისი ურთიერთობაც ახლახან ჩამოყალიბდა, აღმოაჩენენ, რომ დაუთბათ ერთმანეთის მიმართ სულიერი გრძნობები. რაც შეეხება ფინანსებს, ოქტომბერში ფული ყველაფრისთვის გეყოფათ. შეიძლება მეგობრებთან ერთად წარმოებულმა პროექტებმა მოგიტანოთ შემოსავალი. შეიძლება სასიყვარულო პარტნიორისგანაც მიიღოთ გარკვეული თანხა.

ჯანმრთელობა

კარიერა და საოჯახო საქმეები უფრო მნიშვნელოვანი იქნება თქვენთვის, ვიდრე ვარჯიში ან ფიზიკური აქტიურობა. მოერიდეთ სტრესსა და ნერვიულობას.

ქალებისთვის

პოზიტიური ემოციებით დატვირთული ოქტომბერი გელით. თუ დააკვირდებით, თვის ბოლოს მიხვდებით რომ ნელ-ნელა თქვენი ცხოვრება უკეთესობისკენ იცვლება. მიიღებთ საინტერესო შემოთავაზებებს. გაიცნობთ ადამიანებს, რომლებიც რთული საკითხების მოგვარებაში დაგეხმარებიან. კარგად განვითარდება რომანტიკული ურთიერთობები. შეყვარებულებსაც გელით ერთმანეთით ტკბობა.

მამაკაცებისთვის

სიურპრიზებით, საჩუქრებითა და პოზიტიური ცვლილებებით დატვირთული თვე გელით. გაიცნობთ ადამიანებს, რომლებიც მომავალში იმედს არ გაგიცრუებენ. შუა თვიდან მაქსიმალურად მოერიდეთ ურთიერთობის დაძაბვას, კონფლიქტს გარშემო მყოფებთან. დიპლომატიურად მოაგვარეთ მნიშვნელოვანი და საოჯახო საკითხები. გამონახეთ დრო ექსკურსიებისა და მხიარული მგზავრობისთვის. რაც შეეხება პირად ცხოვრებას, იყავით მეტად მოსიყვარულე, მზრუნველი.

ოქტომბრის ასტროლოგიური პროგნოზი ქალწულებისთვის - სწავლა, ბიზნესი, კონტაქტები, ჯანმრთელობა და სიყვარული...

ოქტომბრის ასტროლოგიური პროგნოზი ტყუპისთვის - რას გიმზადებთ მომავალი თვე?

ოქტომბრის ასტროლოგიური პროგნოზი სასწორებისთვის - "ახლა მხოლოდ საკუთარ თავზე უნდა მობილიზდეთ..."