სად უნდა შეხვდეთ ახალ წელს, რომ 2026-ში იღბალი მოიზიდოთ?

ახალი წელი ის იშვიათი მომენტია, როცა გარემოს თითქმის ისეთივე მნიშვნელობა აქვს, როგორიც გარემოცვას. ზოგს ხმაური და ბევრი სინათლე სჭირდება, ზოგს - სიმშვიდე და სითბო, ზოგს კი სურს, რაც შეიძლება შორს გაემგზავროს. ასტროლოგია ამბობს, რომ თუ „სწორ“ ლოკაციას შეარჩევთ, წელი გაცილებით მსუბუქად და იღბლიანად დაიწყება.

აი, სად სჯობს თითოეული ნიშნისთვის ახალი წლის შეხვედრა:

ვერძი

საუკეთესო ადგილი: წვეულება, კლუბი, ხმაურიანი გარემოცვა ან მოგზაურობა. ვერძს „დრაივი“ სჭირდება. რაც უფრო ხმამაღალია მუსიკა, კაშკაშაა ემოციები და სპონტანურია გეგმები - მით უფრო კარგი იქნება წლის სტარტი.

კურო

საუკეთესო ადგილი: მყუდრო სახლი, აგარაკი, რესტორანი კარგი სამზარეულოთი. კუროსთვის მნიშვნელოვანია კომფორტი, გემრიელი კერძები და სტაბილურობის განცდა. დღესასწაული ზედმეტი აურზაურის გარეშე მისთვის იდეალურია.

ტყუპები

საუკეთესო ადგილი: იქ, სადაც გარემოცვის შეცვლაა შესაძლებელი. მეგობრებთან სტუმრობა, ქალაქში გასეირნება, რამდენიმე ლოკაციის შეცვლა ერთ ღამეში - მთავარია მოძრაობა და კომუნიკაცია.

კირჩხიბი

საუკეთესო ადგილი : საოჯახო გარემო ან თბილი ატმოსფეროს მქონე სივრცე. კირჩხიბისთვის ახალი წელი სიახლოვესთან, ტრადიციებთან და იმის განცდასთან ასოცირდება, რომ ის თავის ადგილზეა.

ლომი

საუკეთესო ადგილი: რესტორანი, სასტუმრო, წვეულება დრესკოდით. ლომისთვის მნიშვნელოვანია ბრწყინვალება. ლამაზი ინტერიერი, ყურადღება. დღესასწაულის მაღალ დონეზე აღქმის განცდა მას ენერგიით ავსებს.

ქალწული

საუკეთესო ადგილი: გააზრებული სივრცე ქაოსის გარეშე. პატარა გარემოცვა, წინასწარ დაგეგმილი ვახშამი, სიმყუდროვე და წესრიგი - მხოლოდ ასეთ დროს ანიჭებს მას დღესასწაული ნამდვილ სიხარულს.

სასწორი

საუკეთესო ადგილი: სტილური ღონისძიება ან ლამაზი ინტერიერის მქონე სახლი. სასწორისთვის ესთეტიკა ყველაფერია. ლამაზად გაწყობილი სუფრა და ჰარმონიული გარემოცვა მისთვის აუცილებელი პირობაა.

მორიელი

საუკეთესო ადგილი: დახურული წვეულება ან უჩვეულო გარემო. მორიელს არა ხმაური, არამედ სიღრმე სჭირდება: მშვიდი ბარი, მისტიკური ან ინტიმური გარემო, სადაც თავს განსაკუთრებულად იგრძნობს.

მშვილდოსანი

საუკეთესო ადგილი: სხვა ქვეყანა, სხვა ქალაქი, გზა. მშვილდოსნისთვის იდეალური ახალი წელი მოგზაურობაშია. მისთვის ჩემოდანი ნაძვის ხეზე მნიშვნელოვანიც კია.

თხის რქა

საუკეთესო ადგილი: სახლი, სადაც ყველაფერი კონტროლის ქვეშაა. თხის რქას უყვარს მშვიდი, „ხარისხიანი“ დღესასწაული: ზედმეტი ხალხის გარეშე და იმის განცდით, რომ წელი წარმატებით დაასრულა.

მერწყული

საუკეთესო ადგილი: არასტანდარტული წვეულება. ექსპერიმენტული ფორმატები, წვეულება სახურავზე ან უცნაური კაფე - რაც უფრო განსხვავებულია გარემო, მით უფრო ბედნიერია მერწყული.

თევზები

საუკეთესო ადგილი: წყალთან ახლოს, ქალაქგარეთ ან მეოცნებე გარემოში. თევზებისთვის მნიშვნელოვანია ატმოსფერო და ემოციები. ფერადი განათებები, მუსიკა და ზღაპრის განცდა - ასე დაიწყება წელი სწორად.