სიყვარულზე მეტად თავისუფლება სწყურიათ: ზოდიაქოს ნიშნები, რომლებიც “კოსმიური მარტოობისთვის“ არიან დაბადებულნი

ზოგიერთი ადამიანი დაბადებიდან დაატარებს შინაგან განცდას: „მე ცალკე გალაქტიკა ვარ“. სწორედ ამ საკუთარ სამყაროში თავს ბევრად კომფორტულად გრძნობენ, ვიდრე ხალხის გარემოცვაში. სანამ ზოგიერთი სოციალურ აქტივობებში იძირება, სხვები მიდიან დასკვნამდე, რომ სიმარტოვე მათი საუკეთესო არჩევანია.

გაიცანით ზოდიაქოს 5 ნიშანი, რომლებსაც „კოსმიური მარტოობის“ სინდრომი ახასიათებთ:

ქალწული

ქალწული ერთ-ერთი ყველაზე მომთხოვნი ნიშანია. პერფექციონიზმი აიძულებს იცხოვროს პრინციპით - „ყველაფერი ან არაფერი“. როგორც კი ვინმე იმედს გაუცრუებს, ის მაშინვე მეორე ვარიანტს ირჩევს. ქალწულს არ სჯერა ადამიანების უპირობო სიკეთის და მაშინაც კი, როცა გვერდით კარგი ადამიანი ჰყავს, ქვეცნობიერად მასში ნაკლს ეძებს.

ასეთი მაღალი სტანდარტების გამო, გასაკვირი არაა, რომ ქალწულმა შეიძლება საკუთარ ბედსაც კი აუაროს გვერდი. მას არ აშინებს სიმარტოვე; პირიქით, მზადაა მასში თავით გადაეშვას და სამყაროზე „გაიბუტოს“ იმის გამო, რომ გარშემომყოფები მისი ღირსნი არ აღმოჩნდნენ.

მორიელი

სიმარტოვე და მორიელი თითქმის სინონიმებია. ეს ნიშანი ხშირად ირჩევს „ნებაყოფლობით გადასახლებას“ და აბსოლუტურ დამოუკიდებლობას. გარშემომყოფებისთვის მორიელი შეიძლება კონტაქტური და თბილი ჩანდეს, მაგრამ ეს მხოლოდ ილუზიაა. ის თავის შინაგან სამყაროში არავის უშვებს.

მორიელები მრავალშრიანი და რთული პიროვნებები არიან - ისინი შეიძლება თქვენ გვერდით ისხდნენ, მაგრამ სულით სულ სხვაგან იყვნენ. ხშირად მორიელი გრძნობს ღრმა სიმარტოვეს, თუმცა მის შესავსებად არაფერს აკეთებს. პირიქით, ის ამ მდგომარეობაში გარკვეულ პირქუშ სიამოვნებას და ესთეტიკასაც კი პოულობს.

თხის რქა

თხის რქებს უყვართ სამყაროს კიდეზე ყოფნის განცდა, რადგან მათთვის მთავარი ფასეულობა სიმშვიდე და სიჩუმეა. მათ ურჩევნიათ სხვებს შორიდან დააკვირდნენ. სიმარტოვეს ისინი თვითანალიზისთვის და მიზნების მისაღწევად იყენებენ.

ხშირად თხის რქა სხვა ადამიანებს აღიქვამს, როგორც დაბრკოლებას, რომელიც დასახული ამოცანების შესრულებაში უშლის ხელს. სწორედ ამიტომ, მარტო დარჩენისას ის მოწყენილობას კი არა, შვებას გრძნობს - აღარ უწევს სხვებზე მორგება და ურთიერთობებზე ენერგიის ხარჯვა.

მერწყული

მერწყული არა მხოლოდ არ გაურბის სიმარტოვეს, არამედ მიისწრაფვის კიდეც მისკენ. ამ ნიშნისთვის პიროვნული თავისუფლება ყველაფერზე მაღლა დგას. სანამ სხვები სოციალიზაციაზე ოცნებობენ, მერწყული სიმარტოვეში შემოქმედებითი რეალიზაციის შანსს ხედავს.

მერწყულის ძალა მის არასტანდარტულ აზროვნებაშია. მას არ სჯერა „მონათესავე სულების“, რომლებიც ერთმანეთს მთელ დედამიწაზე ეძებენ. ის უფლებას აძლევს სხვებს, რომ უყვარდეთ, მაგრამ თავად იშვიათად გასცემს იმავეს. სიმარტოვეში ის ხედავს მთავარ აზრს - იყოს დამოუკიდებელი და თვითმყოფადი.

თევზები

თევზები ხშირად გრძნობენ თავს უცხოდ რეალურ სამყაროში, ამიტომ თავით ეშვებიან ფანტაზიებსა და ემოციებში. მათ მიერ აგებულ საჰაერო კოშკებში ყველაფერი ჰარმონიულია და არ არსებობს პასუხისმგებლობები.

თევზებს კი უნდათ სიმარტოვისგან თავის დაღწევა, მაგრამ ხშირად არ იციან, როგორ გააკეთონ ეს. ისინი ოცნებობენ იდეალურ პარტნიორზე, მაგრამ რეალობასთან შეჯახებისას ისევ უკან იხევენ. მათი პრობლემა ისაა, რომ ურჩევნიათ მარტოობაში იოცნებონ ზღაპრულ სიყვარულზე, ვიდრე რეალურ ადამიანთან ერთად გადაჭრან ყოფითი პრობლემები.