ზოდიაქოს 4 ნიშანი, რომელსაც უჭირს დაიჯეროს, რომ ვინმეს მართლა უყვარს
ხშირად საკუთარ ნაკლს უფრო ადვილად ვიჯერებთ, ვიდრე იმას, რომ ვიღაცას უბრალოდ ჩვენი არსებობა უხარია. ურთიერთობაში სულ გვგონია, რომ პარტნიორს ჩვენი იდეალური ვერსია მოსწონს და როგორც კი რეალურ სახეს დაინახავს, იმედი გაუცრუვდება.
ამას ფსიქოლოგიაში „იმპოსტორის სინდრომს“ უწოდებენ - როცა გეჩვენება, რომ სიყვარული მუდმივად უნდა დაიმსახურო და დაამტკიცო.
ასტროლოგიაში არსებობს 4 ნიშანი, რომელსაც ეს პრობლემა ყველაზე მეტად აწუხებს:
ქალწული - „სრულყოფილი უნდა ვიყო, რომ ვუყვარდე“
ქალწულები საკუთარ თავს ძალიან მკაცრად სჯიან. მათ ჰგონიათ, რომ სიყვარულს მხოლოდ მაშინ იმსახურებენ, თუ იდეალურები იქნებიან.
უჭირთ კომპლიმენტების მიღება. ჰგონიათ, რომ პარტნიორი მათ ნაკლს ვერ ამჩნევს. ცდილობენ ყველაფერი გააკონტროლონ და ყველას ასიამოვნონ, საკუთარი თავი კი ავიწყდებათ.
ამ დროს უნდა გააცნობიერონ, რომ სიყვარული იდეალურობაზე კი არა, ადამიანურ კავშირზე შენდება.
კირჩხიბი - „მეშინია, რომ ერთ დღესაც მიმატოვებს“
კირჩხიბები ძალიან მგრძნობიარეები არიან და წარსულის წყენას დიდხანს ატარებენ.
მაშინაც კი, როცა ყველაფერი კარგადაა, ეჭვი ეპარებათ პარტნიორში. გამუდმებით ეშინიათ, რომ ეს ბედნიერება უცებ დასრულდება, ამიტომ სიყვარულის მუდმივ მტკიცებულებებს ითხოვენ.
მათ უნდა ისწავლონ საკუთარი შფოთვის რეალობისგან გარჩევა და პარტნიორის ნდობა.
თხის რქა - „მხოლოდ ჩემი სიძლიერე უყვართ“
თხის რქები მიჩვეულები არიან, რომ მათი ფასი მხოლოდ საქმითა და წარმატებით იზომება.
ჰგონიათ, რომ პარტნიორს მხოლოდ მათი საიმედოობა და ძალა მოსწონს. უჭირთ სისუსტის ჩვენება, რადგან ჰგონიათ, რომ უმწეოები არავის სჭირდებათ.
თხის რქებმა უნდა მისცენ თავს უფლება, იყვნენ ჩვეულებრივი ადამიანები და არა „სუპერგმირები“.
მორიელი - „აქ რაღაც ხაფანგია“
მორიელებს ყველაზე მეტად ღალატის ეშინიათ, ამიტომ პარტნიორის ყოველ ნაბიჯს ეჭვით უყურებენ.
უჭირთ იმის დაჯერება, რომ ვინმეს ისინი უანგაროდ უყვარს. კარგ დამოკიდებულებაშიც კი ეძებენ ფარულ მოტივებს და თავდაცვის მიზნით ხშირად თავადვე დისტანცირდებიან.
უნდა დაიწყონ ნდობის ნაბიჯ-ნაბიჯ სწავლა და იმის დანახვა, რომ გულწრფელობას ყოველთვის ტკივილი არ მოაქვს.
დააკვირდით თქვენს შიშებს: როცა უმიზეზოდ დაიწყებთ შფოთვას, ჰკითხეთ საკუთარ თავს - ეს რეალური საფრთხეა თუ უბრალოდ ჩემი ეჭვები?
დაელაპარაკეთ პარტნიორს, პირდაპირ უთხარით მას თქვენი შიშების შესახებ. გულწრფელი საუბარი ყოველთვის ხსნის დაძაბულობას.
სიყვარული არ არის ჯილდო, რომელიც ოფლით უნდა მოიპოვოთ. ის უბრალოდ არსებობს.