რაიონები თბილისში, სადაც დღეს, 28 მარტს შუქი გაითიშება

სარემონტო სამუშაოების გამო, დღეს თბილისის რამდენიმე რაიონს ელექტრომომარაგება დროებით შეეზღუდება.

როგორც "ინტერპრესნიუსს" სააქციო საზოგადოება "თელასიდან" აცნობეს, მთაწმინდა-კრწანისის რაიონში 11:00 საათიდან 16:00 საათამდე შეზღუდვა შეეხება: რუსთავის გზატკეცილის, სადგურის, უცნობის, მარნეულის, კრწანისის, ჩიტაძის, ბერიძის, ინგოროყვას და ჩაიკოვსკის ქუჩების მცხოვრებლებს.

ნაძალადევის რაიონში, 10:00 საათიდან 12:00 საათამდე, შეზღუდვა შეეხება: თემქის დასახლების IV მიკრორაიონის მცხოვრებლებს.

სამგორის რაიონში, 10:00 საათიდან 15:00 საათამდე, შეზღუდვა შეეხება: ქიზიყის და პოლიციის ქუჩების მცხოვრებლებს.

"თელასის" ინფორმაციით, სარემონტო სამუშაოების დასრულების შემდეგ, აბონენტებს ელექტრომომარაგება აღუდგება.