ფილიპ დიმიტროვი - ქართველი ხალხი ასოცირების შეთანხმებაზე ხელმოწერას იმსახურებს

მე გავბედავ და ვიტყვი, რომ ქართველი ხალხი იმსახურებს ასოცირების შეთანხმებაზე ხელმოწერას, - ამის შესახებ დღეს გამართულ პრესკონფერენციაზე ევროკავშირის წარმომადგენელმა საქართველოში ფილიპ დიმიტროვმა განაცხადა.

როგორც მან აღნიშნა, თავისთავად ასოცირების შეთანხმებაზე ხელმოწერა ეს არ არის გზის დასასრული, ეს არის ფაქტობრივად დასაწყისი.

"ეს არის დასაწყისი გზის ახალი მონაკვეთისა, რომელიც საქართველომ უნდა გაიაროს, რათა მიაღწიოს ევროკავშირთან ახლო ურთიერთობას, რაც ქართული გაგებით ოჯახის ნაწილად გახდომას ნიშნავს. ის, რომ ქართველმა ხალხმა შეინარჩუნა თავისი პროევროპული, პროდასავლური, პროევროატლანტიკური ტენდენციები, მე გავბედავ და ვიტყვი, რომ ასეთი ხალხი იმსახურებს, რომ მოხდეს ასოცირების შეთანხმებაზე ხელმოწერა", - აღნიშნა ფილიპ დიმიტროვმა.

მან კიდევ ერთხელ გაუსვა ხაზი იმას, რომ არის ბევრი საკითი, რომლებიც გაუმჯობესდა და არის საკითხები, რომლებიც უნდა გაუმჯობესდეს.

"ინტერპრესნიუსი"