საქართველოს ელჩი თურქეთში ყველაზე ელეგანტურ ელჩად დასახელდა
საქართველოს ელჩი თურქეთში ირაკლი კოპლატაძე გასული კვირის ყველაზე ელეგანტურ ელჩად დასახელდა. ინტერნეტ გამოცემა ankarascene.com, რომელიც თურქეთში არსებული სხვადასხვა ქვეყნის საელჩოების საქმიანობას აშუქებს და ესწრება ყველაზე მინიშვნელოვან დიპლომატიურ შეხვედრებს, კვირაში ერთხელ გადაღებული ფოტომასალის საფუძველზე ატარებს გამოკითხვას და გამარჯვებულს "კვირის მისტერ ელეგანტურობის" სტატუსს ანიჭებს.
კვირას ქვეყანაში მიმდინარე დაძაბული არჩევნების მიუხედავად, ინტერნეტ გამოცემამ ankarascene.com კვირის გამარჯვებული დაასახელა. გამოკითხვის შედეგების მიხედვით, საქართველოს ელჩი თურქეთში ირაკლი კოპლატაძე სხვადასხვა ქვეყნების დიპლომატიური კორპუსის წარმომადგენლებს შორის ყველაზე ელეგანტურ ელჩად დასახელდა.
როგორც გამოცემა წერს, ირაკლი კოპლატაძე ამ ნომინაციას დიდი ხანია იმსახურებდა, რადგან ის ყოველთვის ელეგანტური ჩაცმულობით გამოირჩევა. ფოტოს, რომელსაც გამოცემა აქვეყნებს, აწერია - "ამ დღეს გეგონებოდათ მოდური ჟურნალის ფოტოსესიიდან იყო მოსული".
ირაკლი კოპლატაძე თურქეთის ელჩად გასული წლის აგვისტოში დაინიშნა. ჰყავს მეუღლე და ორი შვილი.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
