საერთაშორისო რესპუბლიკური ინსტიტუტის (IRI) კვლევის მიხედვით, გამოკითხულთა უმეტესობა ყველაზე ხშირად გაზეთ "კვირის პალიტრას" კითხულობს.
კითხვაზე, რომელ ქართულ გაზეთს კითხულობთ რეგულარულად, გაზეთი "კვირის პალიტრა" გამოკითხულთა 16%-მა დაასახელა; მეორე ადგილზე - 9%-ით "ასავალ-დასავალია"; 2-2 % აქვთ "ალიას", "ქრონიკასა" და "რეზონანსს".
IRI-მ გამოკითხვა 2014 წლის 19 თებერვლიდან 13 მარტამდე ჩაატარა. გამოკითხვაში 18 წელს გადაცილებულმა 3 992 მოქალაქემ მიიღო მონაწილეობა. ცდომილება 1,5%-ს შეადგენს.