მძღოლი, რომელმაც თავის დაწვა სცადა, პოლიციაში გადაიყვანეს
რუსთავი-თბილისის სამარშრუტო ტაქსის მძღოლი ალექსანდრე მიქელაძე, რომელმაც "ქართული ოცნების" ოფისთან მიმდინარე აქციაზე თავის დაწვა სცადა, ამ წუთებში პოლიციაში ახსნა-განმარტების მისაცემად იმყოფება. ამის შესახებ "ინტერპრესნიუსს" აქციის მონაწილემ, ზაზა ჩიხრაძემ განუცხადა, რომელიც პოლიციის შენობაში მასთან ერთად იმყოფება.
ჩიხრაძის თქმით, იგი მიქელაძეს თან გაჰყვა, თუმცა ვერ ასახელებს, პოლიციის რომელ განყოფილებაში ხდება ალექსანდრე მიქელაძის გამოკითხვა.
ზაზა ჩიხრაძის განცხადებით, პოლიციელები დაინტერესდნენ, რატომ სცადა მიქელაძემ თავის დაწვა. ჩიხრაძემ თქმით, ისინი პოლიციის განყოფილებას სავარაუდოდ მალე დატოვებენ.
"ქართული ოცნების" ოფისთან რუსთავი-თბილისის სამარშრუტო ტაქსების მძღოლების აქცია მიმდინარეობს. ისინი პარტიის გენერალურ მდივან კახი კალაძესთან შეხვედრას ითხოვენ.
აქციის ერთ-ერთმა მონაწილემ ალექსანდრე მიქელაძემ ბენზინი გადაისხა და თავის დაწვა სცადა, თუმცა პოლიციელების ჩარევის შემდეგ, ამის გაკეთება ვერ შეძლო.
აქციის მონაწილეები მოითხოვენ, რომ გაუქმდეს მგზავრთა გადაყვანაზე გამოცხადებული კონკურსის შედეგები, რადგან კონკურსის შედეგად გამარჯვებული კომპანია მგზავრებს საკუთარი სამარშრუტო ტაქსებით უნდა მოემსახუროს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
