შელაპარაკება ეკა ბესელიასა და უმცირესობის წევრებს შორის ადამიანის უფლებათა დაცვის კომიტეტის სხდომაზე
ადამიანის უფლებათა დაცვის საპრალამენტო კომიტეტის სხდომა, სადაც შალვა თათუხაშვილის საქმეზე მიწვეულია მთავარი პროკურორის პირველი მოადგილე ირაკლი შოთაძე, ეკა ბესელიასა და უმცირესობის წევრებს შორის შელაპარაკებით დაიწყო.
ბესელიამ სხდომა საქმის არსზე საუბრით დაიწყო და ბოლო დღეების განმავლობაში უმცირესობის მხრიდან პროკურატურისადმი ბრალდებებსაც გამოეხმაურა, რასაც უმცირესობის წევრების მხრიდან საპასუხო რეპლიკები მოჰყვა.
საპარლამენტო უმცირესობამ ბესელიას მოუწოდა, მეტი დრო კითხვებისათვის დატოვონ, რადგან 16:00 საათზე პარლამენტის სესია იწყება და მათ არ სურთ, "საკომიტეტო მოსმენა მხოლოდ პროკურატურის პრეზენტაციად დარჩეს".
ბესელაიმ თავის მხრივ აღნიშნა, რომ თუ ამ შეკამათებაში დროს დაკარგავენ, კითხების დასმას ვერ მოასწრებენ.
ეკა ბესელიამ სხდომაზე წესრიგის დაცვის თხოვნით მანდატურის სამსახურს მიმართა.
კომიტეტის სხდომა შალვა თათუხაშვილის გარდაცვალების საქმესთან დაკავშირებით იმართება.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
