"ემპოლიში" ლევან მჭედლიძის თანაგუნდელებმა "ჭამე, ნოდარი!" დადგეს

იტალიური "ემპოლის" ლეგიონერმა ლევან მჭედლიძემ თავის ფეისბუქის გვერდზე სახალისო ვიდეო გამოაქვეყნა, სადაც ცნობილ ქართულ იუმორისტულ სკეტჩს "ჭამე, ნოდარის" მისი თანაგუნდელები ასრულებენ.

ემპოლურ "ჭამე, ნოდარიში" მთავარ როლებს ლევანის თანაგუნდელი ლორენცო ტონელი და გუნდის ექიმი-მასაჟისტი ასრულებენ.

საბრალო ნოდარის როლში სწორედ ეს უკანასკნელია, რომელსაც უკნიდან ფეხბურთელი კეფაში გამეტებით შემოსცხებს და თან დააყოლებს - "ჭამე, ნოდარი!"

უნდა ვივარაუდოთ, რომ სცენარის ავტორიც და დამდგმელი რეჟისორიც სწორედ ლევანია.

იხილეთ ვიდეო