გივი თარგამაძის ძმა დაკითხვაზე დაიბარეს

"ნაციონალური მოძრაობის" წევრის, გივი თარგამაძის ძმა, ზაზა თარგამაძე ფინანსთა სამინისტროს საგამოძიებო სამსახურში დაკითხვაზე დაიბარეს, - ამის შესახებ გივი თარგამაძემ ჟურნალისტებს განუცხადა.

მისი თქმით, თათუხაშვილის საქმესთან დაკავშირებით მისი ოჯახის დისკრედიტაცია მიმდინარეობს, თუმცა, რა თემაზეა დაბარებული დაკითხვაზე მისი ძმა საგამოძიებო სამსახურში, მათთვის ჯერჯერობით უცნობია.

"დღეს ჩემს ძმას გამომძიებელმა დაურეკა და ხვალ, 11:00 საათზე დაიბარა. საინტერესოა, როდესაც ოჯახის წევრთა სია ამოეწურებათ, რა მეთოდით შეეცდებიან პასუხების გაცემას", - აღნიშნა გუშინ გივი თარგამაძემ.

ამასთან, არსებული ინფორმაციით, გივი თარგამაძის ძმის დაკითხვა ერთ-ერთი სამშენებლო კომპანიის საქმეს უკავშირდება.

"ინტერპრესნიუსი"