როლანდ ახალაიამ პროკურატურის შენობა დატოვა
ზუგდიდის მაჟორიტარმა დეპუტატმა როლანდ ახალაიამ სამეგრელო-ზემო სვანეთის საოლქო პროკურატურა უკვე დატოვა. როლანდ ახალაიას განცხადებით, მას ბრალი წარედგინა 333-ე მუხლის პირველი ნაწილით და საქმე ანაკლიაში მშენებლობებს უკავშირდება. როლანდ ახალაიას განცხადებით, ეს არის ზეწოლა მის ოჯახზე, შვილებზე და პირადად მასზე. მისივე შეფასებით, ამ სასამართლო პროცესს პერსპექტივა არ აქვს.
როლანდ ახალაიას განცხადებით, მას შემდეგ, რაც საპარლამენტო არჩევნებში გაიმარჯვა, მას დაუკავშირდა ბიძინა ივანიშვილი და მოსთხოვა პარლამენტი დაეტოვებინა, წინააღმდეგ შემთხვევაში, დაჭერით დაემუქრა. ახალაია აცხადებს, რომ ბიძინა ივანიშვილი თავის მუქარას ასრულებს ოთარ ფარცხალაძის მეშვეობით.
"ჩემს უდანაშაულობას სასამართლოზე დავამტკიცებ", - აცხადებს როლანდ ახალაია.
როლანდ ახალაიას პროკურატურასთან "ნაციონალური მოძრაობის" მხარდამჭერები ელოდებოდნენ.
დღეს როლანდ ახალაიას ბრალი წარედგინა სისხლის სამართლის კოდექსის 333-ე მუხლით - სამსახურებრივი უფლებამოსილების გადამეტების ორი ეპიზოდისათვის, რაც სასჯელის სახედ და ზომად ითვალისწინებს თავისუფლების აღკვეთას სამ წლამდე ვადით.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
