ირაკლი ღარიბაშვილი ასოცირების შეთანხმების მნიშვნელობაზე

ევროკავშირთან ასოცირების შეთანხმება გულისხმობს ქვეყნის მოდერნიზებას ყველა სფეროში, - ამის შესახებ საქართველოს პრემიერ-მინისტრმა ირაკლი ღარიბაშვილმა "საზოგადოებრივი მაუწყებლის" ეთერში, გადაცემა "შეხვედრები მწერალთა სახლში" სტუმრობისას განაცხადა.

"ასოცირების ხელშეკრულებაზე ბევრი სპეკულირება მიდის და მე მინდა, განვმარტო, რას გულისხმობს ეს. ეს გულისხმობს ქვეყნის მოდერნიზებას ყველა სფეროში და დაახლოებას ევროპასთან. ყველანი ვიქნებით მოტივირებული, რომ ყველაფერი გავაკეთოთ, რათა საერთაშორისო სტანდარტებს მივუახლოვდეთ", - განაცხადა ირაკლი ღარიბაშვილმა.

მისივე აზრით, ეს პროცესი რთული, მაგრამ სასარგებლო იქნება.

"ინტერპრესნიუსი"