მოქმედ და ყოფილ პრემიერებთან საპარლამენტო უმრავლესობის შეხვედრა დასრულდა

საქართველოს პრემიერ-მინისტრი ირაკლი ღარიბაშვილი საპარლამენტო უმრავლესობას შეხვდა. შეხვედრას ყოფილი პრემიერ-მინისტრი ბიძინა ივანიშვილი დაესწრო.

"მან წარმატება უსურვა კოალიციის კანდიდატებს წინასაარჩევნო კამპანიის დაწყების წინ და კიდევ ერთხელ შეახსენა მთელს გუნდს პასუხისმგებლობა ქვეყნისა და ხალხის წინაშე", - ნათქვამია პრემიერის "ფეისბუქის" გვერდზე გამოქვეყნებულ ოფიციალურ ინფორმაციაში.

კოალიცია "ქართული ოცნება" ხვალ წინასაარჩევნო კამპანიას ოფიციალურად გახსნის.

"ინტერპრესნიუსი"