"ქართულმა ოცნებამ" წინასაარჩევნო კამპანია ოფიციალურად დაიწყო

სპორტის სასახლეში საარჩევნო ბლოკის - "ქართული ოცნება" წინასაარჩევნო კამპანიის დაწყების ოფიციალური ღონისძიება მიმდინარეობს.

კოალიციის წევრებსა და მხარდამჭერებს ამ წუთებში სიტყვით მიმართავს საარჩევნო შტაბის ხელმძღვანელი კახა კალაძე.

დაგეგმილია პრემიერ-მინისტრ ირაკლი ღარიბაშვილისა და კოალიცია "ქართული ოცნების" დედაქალაქის მერობის კანდიდატის, დავით ნარმანიას სიტყვით გამოსვლებიც.

დღევანდელ შეკრებაზე "ქართული ოცნება" 12 თვითმმართველ ქალაქში მერობის კანდიდატებს დაასახელებს.

დღევანდელ ღონისძიებას ესწრებიან პარლამენტის თავმჯდომარე დავით უსუფაშვილი, მთავრობის წევრები, ყოფილი პრემიერ-მინისტრი ბიძინა ივანიშვილი, საპარლამენტო უმრავლესობისა და საზოგადოების წარმომადგენლები.

"ინტერპრესნიუსი"