მიხაილოვის საავადმყოფოს მიმდებარედ არსებული ეკლესიის ტერიტორია საპატრიარქოს 1 ლარად გადაეცა

მიხაილოვის საავადმყოფოს მიმდებარედ არსებული ეკლესიის ტერიტორია საპატრიარქოს 1 ლარად გადაეცა

პრემიერ-მინისტრ ირაკლი ღარიბაშვილის გადაწყვეტილებით, დავით აღმაშენებლის №60-ში მდებარე 472 კვ.მ მიწის ნაკვეთი და მასზე არსებული შენობა-ნაგებობები სიმბოლურ ფასად, 1 ლარად საქართველოს მართლმადიდებელ ეკლესიას გადაეცემა.

პრემიერ-მინისტრის შესაბამისი განკარგულება მთავრობის ვებ-გვერდზე გამოქვეყნდა.

ამასთან, საპატრიარქოს აღნიშნული შენობა-ნაგებობა გარკვეული საპრივატიზაციო პირობით გადაეცა. კერძოდ, არა უგვიანეს 3 თვის ვადაში საქართველოს კულტურისა და ძეგლთა დაცვის სამინისტროსთან უნდა გაფორმდეს ძეგლის მოვლა-პატრონობის ხელშეკრულება, რომლითაც უზრუნველყოფილი იქნება ძეგლის დაზიანებისა და განადგურებისაგან დაცვა და ისტორიულ-კულტურული ღირებულების შენარჩუნება.

პრემიერის განკარგულების შესრულება საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ სახელმწიფო ქონების ეროვნულმა სააგენტომ უნდა უზრუნველყოს.

როგორც ქონების ეროვნულ სააგენტოში განმარტავენ, საუბარია ყოფილი მიხაილოვის საავადმყოფოს მიმდებარედ არსებული ეკლესიის ტერიტორიაზე და არა უშუალოდ საავადმყოფოსა და იმ ორ ფლიგელზე, რომელთაც კულტურული მემკვიდრეობის ძეგლის სტატუსი აქვთ.

აღნიშნულთან დაკავშირებით, ქონების ეროვნული სააგენტო უახლოეს პერიოდში განცხადებას გაავრცელებს.

"ინტერპრესნიუსი"

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია