"ლელოს" იუბილესთან დაკავშირებით, საქართველოში ბოლო 80 წლის საუკეთესო ქალი და მამაკაცი სპორტსმენი დასახელდება

"ლელოს" იუბილესთან დაკავშირებით, საქართველოში ბოლო 80 წლის საუკეთესო ქალი და მამაკაცი სპორტსმენი დასახელდება

გაზეთი "ლელო" დღეს ბოლო 80 წლის საქართველოს საუკეთესო ქალ და მამაკაც სპორტსმენს დაასახელებს. ღონისძიება კულტურის ცენტრ "მუზაში" 18:30 საათზე დაიწყება.

ქართველი სპორტსმენებიდან მამაკაცებსა და ქალებში, გამოკითხვის შედეგად 5-5 ნომინანტი შეირჩა. მამაკაცებიდან - დავით ყიფიანი, კახა კალაძე, მამუკა გორგაძე, ლევან თედიაშვილი და ვიქტორ სანეევი. ქალებიდან - მაია ჩიბურდანიძე, ნონა გაფრინდაშვილი, ელენე გედევანიშვილი, ქეთევან ლოსაბერიძე და ნინო სალუქვაძე.

"გამოკითხვის დაწყებისას, მკითხველს სპეციალური გრაფების მეშვეობით ნებისმიერი სპორტსმენისთვის შეეძლო ხმის მიცემა. შემდეგ ამ სპორტსმენებს შორის 5-5 საუკეთესო გამოიკვეთა და ბოლო ორი კვირის განმავლობაში სწორედ მათ შორის მიმდინარეობდა ხმის მიცემა. გამოკითხვა ვებგვერდ www.sportall.ge-ზე მიმდინარეობდა", - აღნიშნა ღონისძიების ერთ-ეთმა ორგანიზატორმა, ლაშა წიკლაურმა.

მისივე თქმით, დღეს დაჯილდოვდება ასევე "ლელოს" მიერ გამოვლენილი 2013 წლის საქართველოს საუკეთესო სპორტსმენი.

დღევანდელ დაჯილდოების ცერემონიალის პარალელურად, კულტურის ცენტრ "მუზის" ეზოში გაიმართება სპორტული ფესტივალიც, სადაც შეჯიბრები ჩატარდება ფეხბურთში, კალათბურთში. ჭადრაკში საჩვენებელ თამაშს ჩაატარებს ნონა გაფრინდაშვილი.

დღევანდელ ღონისძიებებს, რომელიც გაზეთ "ლელოს" 80 წლის იუბილეს ეძღვნება, სპორტისა და ახალგაზრდობის საქმეთა მინისტრი ლევან ყიფიანი და ეროვნული ოლიმპიური კომიტეტის პრეზიდენტი ლერი ხაბელოვი დაესწრებიან.

"ინტერპრესნიუსი"

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია