კვლევის მიხედვით, ხელისუფლების წევრების მოწონების რეიტინგი შემცირდა

ხელისუფლების წარმომადგენელთა მოწონების რეიტინგი დაეცა. NDI-ის კვლევის შედეგების თანახმად, მიწონების რეიტინგში პირველ ადგილზეა თავდაცვის მინისტრი ირაკლი ალასანია - 67%-იანი რეიტინგით, თუმცა ნოემბრის კვლევაში მისი მოწონების რეიტინგი 72% იყო.

ირაკლი ალასანიას პრემიერი-მინისტრი ირაკლი ღარიბაშვილი მოსდევს, რომელიც ახლა გამოკითხულთა 64%-ს მოსწონს. NDI-ის წინა კვლევაში ღარიბაშვილის ეს მაჩვენებელი 71%-ს შეადგენდა.

ანალოგიური სურათია სხვა პოლიტიკურ თანამდებობის პირებთან მიმართებაშიც: პარლამენტის თავმჯდომარის დავით უსუფაშვილის მოწონების რეიტინგი ახლა 61%-ია, ნოემბრის კვლევაში იყო – 65%; კახა კალაძის მოწონების რეიტინგია – 51%, ნოემბერში - 60%; ბიძინა ივანიშვილი ახლა გამოკითხულთა მხოლოდ 51%-ს მოსწონს, მისი მოწონების მაჩვენებელი ნოემბრის კვლებაში 74% იყო.

პრეზიდენტ მარგველაშვილის რეიტინგი 46%-მდე შემცირდა. NDI-ის ნოემბრის კვლევაში მარგველაშვილი გამოკითხულთა 72%-ს მოსწონდა.

ამავე კვლევის თანახმად, შემცირებულია საპარლამენტო უმრავლესობის წევრების მოწონების რეიტინგი.

"ინტერპრესნიუსი"