ე.წ. მატროსოვის ციხის ყოფილი დირექტორი გულ-მკერდის არეში დაჭრეს

ე.წ. მატროსოვის ციხის ყოფილი დირექტორის, შოთა მახარაშვილის დაჭრაში ბრალდებულის ვინაობა დადგენილია. როგორც "ინტერპრესნიუსს" შინაგან საქმეთა სამინისტროში განუცხადეს, ამჟამად მისი ძებნის ღონისძიება მიმდინარეობს.

სამინისტროს ცნობით, მომხდარზე გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.

შოთა მახარაშვილი 10 მაისს, მუხრანში გულ-მკერდის არეში დაჭრეს.

დაჭრილს ოპერაცია ჩაუტარდა. ექიმების ცნობით, მის სიცოცხლეს საფრთხე არ ემუქრება.

"ინტერპრესნიუსი"