მახათას მთის მიმართულებით დღეს უფასო ავტობუსები იმოძრავებს

პირველ წირვასთან დაკავშირებით, დღეს, მახათას მთის მიმართულებით უფასო ავტობუსები იმოძრავებს.

მახათას მთაზე, ივერიის ღვთისმშობლის ხატის სახელობის მშენებარე ტაძარში დღეს პირველი წირვა აღევლინება. 11:00 საათზე, საქართველოს კათოლიკოს-პატრიარქი, უწმინდესი და უნეტარესი ილია მეორე ღვთისმშობლის პარაკლისს გადაიხდის. მახათაზე დაბრძანებული იქნება ამერიკიდან ჩამობრძანებული ივერიის ღვთისმშობლის სასწაულმომქმედი, მირონმდინარე ხატი. მოსახლეობას მთელი დღის მანძილზე სასწაულმოქმედ ხატთან მიახლების საშუალება მიეცემა.

ამასთან, მოსახლეობის დიდი ინტერესის გათვალისწინებით, 07:00 საათიდან მახათას მიმართულებით ვარდების რევოლუციის მოედნიდან, ხუდადოვის ქუჩის დასაწყისიდან და ვარკეთილის მეტროს მიმდებარე ტერიტორიიდან უფასო ავტობუსები იმოძრავებს.

"ინტერპრესნიუსი"