მსოფლიოს 10 ულამაზესი აეროპორტის ნუსხაში მესტია შევიდა (+7 ფოტო)

გამოცემა BBC მსოფლიოში 10 ყველაზე ლამაზი აეროპორტის რეიტინგს აქვეყნებს - რეიტინგში მესტიის აეროპორტიც შევიდა. როგორც სტატიის ავტორი აღნიშნავს, ბევრი აეროპორტი კარგად ფუნქციონირებს, მაგრამ ეს არქიტექტურული საოცრებები ფრენას ხელოვნებად აქცევს.

"თამარ მეფის სახელობის აეროპორტი - მესტია, საქართველო: მესტია პატარა სათხილამურო ქალაქია, სადაც ეკლესიებსა და ციხე-სიმაგრეებს იხილავთ. ახალი აეროპორტის ცალკეული დეტალები შუშითაა მოპირკეთებული. აეროპორტის არქიტექტორი გერმანელი იურგენ მეიერ-ჰერმანია. შავ-თეთრი დიზაინის ნაგებობა უამრავ ვიზიტორს იზიდავს", - წერია სტატიაში.

შეგახსენებთ, მესტიის აეროპორტის მშენებლობა 2010 წელს დასრულდა.

იხილეთ ფოტოგალერეა

მომზადებულია BBC-ის მიხედვით.