ქუთაისში სკეიტპარკის მშენებლობის მოთხოვნით აქცია გაიმართა

ქუთაისელი ახალგაზრდები სკეიტპარკის მშენებლობას ითხოვენ. აღნიშნული ინიციატივა მათ დღეს აქციაზე გააჟღერეს, რომელიც მერიის მიმდებარე ტერიტორიაზე ჩატარდა. როგორც აქციის მონაწილეები აღნიშნავენ, სკეიტ პარკის არსებობა განსაკუთრებით მნიშვნელოვანია, რადგან ქუთაისში ბაიკერები და სკეიტის მოყვარულები საკმაოდ ბევრია.

აქციის მონაწილეთა განმარტებით, აღნიშნული პარკის მშენებელობა ხელს შეუწყობს ქუთაისში როლერების, სკეიტის მოყვარულებისა და პარკურით დაინტერესებული ახალგაზრდების რაოდენობის გაზრდას. ახალგაზრდები ამ პრობლემის მოგვარებაში ადგილობრივ ხელისუფლებას დახმარებას სთხოვენ.