თბილისის წიგნის XVI საერთაშორისო ფესტივალი დღეს საზეიმოდ დაიხურება
დღეს თბილისის წიგნის XVI საერთაშორისო ფესტივალი დაიხურება. ფესტივალის საზეიმო დახურვა 21:00 საათზე მწერალთა სახლში გაიმართება.
საღამო კანადელ პოეტ პატრიკ ვუდქოქს მიეძღვნება, რომელიც სპეციალური სტუმრის სტატუსით თბილისის წიგნის ფესტივალის ეწვია. მისი ლექსები ქართულ ენაზე შოთა იათაშვილმა თარგმნა.
პატრიკ ვუდქოქი კანადელი პოეტა, რომელიც ამჟამად ბაქოში ცხოვრობს და მეცხრე პოეტურ კრებულზე, სახელწოდებით "You can’t bury them all in Baku, Azerbaijan" მუშაობს. პოეტურმა კრებულმა, სახელწოდებით "Die Before Your Mother“ (ECW Press, 2009) ბესტსელერის სტატუსი კანადაში მოიპოვა. მისი პოეზია თარგმნილია ცამეტ ენაზე.
თბილისის წიგნის საერთაშორისო ფესტივალი, რომელიც 1997 წლიდან ტარდება საქართველოს საგამომცემლო სივრცეში ერთ-ერთი ყველაზე მასშტაბური ღონისძიებაა. ფესტივალის ორგანიზატორი საქართველოს წიგნის გამომცემელთა და გამავრცელებელთა ასოციაციაა, ფინანსური მხარდამჭერები კი საქართველოს კულტურისა და ძეგლთა სამინისტრო და თბილისის მერია არიან. ფესტივალს ყოველწლიურად ათეულ ათასობით მკითხველი სტუმრობს, რაც კიდევ ერთხელ მიუთითებს ლიტერატურით დაინტერესებული ადამიანების მხრიდან ღონისძიების მიმართ დიდ ინტერესზე და წიგნისა და ლიტერატურის მოყვარულთათვის მის მნიშვნელობაზე.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
